amalinks wokungena

Breaking News

UMongameli Wakwele Ukraine Uthi Kumele Kuvinjwe Indizamtshina Zakwele Russia Ezibhomba Uzulu Santando Elizweni Lakhe


UMongameli wethulela idale leU.S. Congress umbiko oqakathekileyo esebenzisa ubulembu bokuxhumana.

UMongameli Volodymyr Zelenskyy wakwele Ukraine uthi eleMelika libambisana lomanyano weNorth Atlantic Treaty Organization kumbe iNATO, kumele livimbe emkhathini elizweni lakhe ukwenzela ukuthi eleRussia lingabhombi uzulu mahlayana.

UZelenskyy, owethule umbiko lo namuhla ekhuluma kudale leCongress lakwele Melika esebenzisa ubulembu bokuxhumana, uthi ucela njalo izikhali lokunye okokuvikela ilizwe lakhe elihlaselwa ngamandla ngele Russia. Uthi eleRussia libhomba ngamandla emadolobheni agoqele eleKyiv, Mariupol, Irpin lamanye.

“Ibutho lakwele Russia selisebenzise amabhomba edlula inkulungwane kwele Ukraine. Libomba abantu santando. Lokhu akukaze kwenzakale emhlabeni wonke jikelele. Kambe singabe sicela okudlulisa amalawulo nxa sisithi kumele kuvinjwe umkhathi kwele Ukraine, kube le no-fly-zone? Lokhu kuzakwenza ukuba eleRussia lingabulali abantu mahlayana. Nxa kusehlula, sicela izikhali zokuvikela uzulu ezinjengendizamtshina ezilemibhobho. Ngiyacela.”

Ingcwethi kwezombusazwe, uMnu. Rejoice Ngwenya uthi kunzima ukuba eleMelika lomanyano weNATO benze okufunwa nguZelenskyy

UNgwenya uthi kumele amazwe la akhulumisane ngokwenzakala kwele Ukraine, okulabantu abedlula izigidi ezintathu – 3 million asebebalekile kulelolizwe bayaphephela

UMnu. Ngqabutho Mabhena, unobhala jikelele webandla leZimbabwe Communist Party, uthi kukhanya engani uZelenskyy usethwele nzima.

EleMelika lafakela umkhokheli wakwele Russia, uMnu, Vladmir Putin, izijeziso zenotho kulandela ukuhlasela kwakhe eleUkraine. UPutin laye uthi usefakele uMongameli Joseph Biden izijeziso zenotho. Okwamanye uBiden ukhangelelwe ukuba uzanika eleUkraine izigidi ezingamakhulu ayisitshiyangalo mbili zamadola - $US$800 yokuthenga izikhali zokulwisana leleRussia.

Facebook Forum

XS
SM
MD
LG