amalinks wokungena

Breaking News

Isizalwane seZimbabwe EsiseMelika, uMnu. Cecil Sibanda Wakha Isikolo seMlomotsha School of Excellence.


U-Mnu. Cecil Sibanda

Esigabeni lapho esikhangela okwenziwa ngabadabuka e Zimbabwe asebehlala kwamanye amazwe, liviki kuStudio 7 sibe lethuba lokuxoxa loMnu. Cecil Sibanda odabuka esiqintini seMzingwane, eMatebeleland South, kodwa osehlala ePennsylvania, eMelika.

Mlomotsha School of Excellence
Mlomotsha School of Excellence

Lanxa uSibanda wabusiswa ngokuthola ithuba lokuya emazweni akazange akhohlwe emuva lapho avela khona ngoba wathi esethole okungamasheleni, waba lomcabango wokwakha isikolo ese secondary, iMlomotsha School of Excellence, esiseMzingwane lapho akhulela khona.

“Lanxa ngaphuma lomcabango wokwakha isikolo lesi ngaqala ngakhulumisana lezakhamizi zalu mango, sacina sincedisana ukusungula lolu hlelo. Sisese lakho okunengi okusadingakala esikolweni lesi, okunjengamabhuku, amacomputers lokunye,” kutsho uSibanda.

Mlomotsha School of Excellence
Mlomotsha School of Excellence

U Sibanda uqhubeke ethi sebenelise ukuba lezakhiwo ezithile esikolweni esitsha lesi, eseMlomotsha School of Excellence, beqale ngamaclassroom blocks amabili lezindlu zababalisi. Bathi njalo bakhangelele ukuthi lesi sikolo singacini esibangeni sokuba yi Secondary kuphela kodwa siqele sibe ngesifundisa imisebenzi yezandla, iVocational Training Centre loba ikholitshi lemfundo yaphezulu esibangeni seUniversity.

please wait

No media source currently available

0:00 0:04:53 0:00

Facebook Forum

XS
SM
MD
LG