amalinks wokungena

Breaking News

Inhloko Zendaba Mbimbitho 18, 2022


Inhloko ZeNdaba
Inhloko ZeNdaba

*** Uhulumende uthi usebophe amapholisa atshaye umsekeli webandla leCitizens Coalition for Change (CCC) uMnu Godfrey Karembera izolo amlimaza kakubi. UKarembera, odume ngelokuthi Madzibaba VeShanduko ubotshiwe wabhaxabulwa emhlane esetheswa icala lokubangela ukungahlaliseki. Sikhuluma nje ulaliswe esibhedlela lapho ethekelelwe khona ngumholi weCCC uMnu Nelson Chamisa namuhla.

*** UMongameli wakwele Melika, uMnu. Joseph Biden, ukhangelelwe ukuba namuhla uzatshele umkhokheli wakwele China, uMnu. Xi Jinping, ukuthi akumelanga asekele impi kwele Ukraine eqalwe lilizwe lakwele Russia elibhomba ngamandla kulelolizwe emadolobheni atshiyeneyo.

*** Sithwale nzima isikhulumeli seqembu lenguqu ele Highlanders FC, uRonald Moyo ukuchasisa ukungabuyi komqeqetshi waleli qembu, uMandla Mpofu ukuzoxoxisana lentathelizindaba izolo.

*** Kuliviki kuhlelo Woza Friday silontombazana osakhulayo, uZibusiso Sibanda odume ngokuthi Carol Sibanda. Yena ucula umdumo we Afro Fusion ekoBulawayo.

***KuLivetalk namhlanje sikhangela amalungiselelo wokhetho lwamaBy-elections olwenziwa mhla ka 26 Mbimbitho kanye lemikhankaso yokudinga usekelo lokuvotelwa kulolu khetho.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG