amalinks wokungena

Breaking News

Uhulumende Wazise Ngokubotshwa Kwamapholisa Atshaye Umsekeli weCCC, Kodwa Usewucitshile Lowombiko


Umsekeli webandla leCCC uMnu Godfrey Karembera, odume ngelokuthi nguMadzibaba VeShanduko, yena otshaywe ngamapholisa walimala kakubi.

WASHINGTON – Uhulumende uthi ubophe amapholisa atshaye umsekeli webandla leCitizens Coalition for Change (CCC) uMnu Godfrey Karembera amlimaza kakubi.

Lokhu kwaziswe lugatsha olubona ngokwethulwa kwembiko enkundleni yeTwitter ngoLwesihlanu. Kodwa isimanga yikuthi lolugatsha luphange lwawucitsha lumbiko.

UKarembera, odume ngelokuthi Madzibaba VeShanduko, ubotshiwe wabhaxabulwa emhlane ngamapholisa ngoLwesine emethesa icala lokubangela ukungahlaliseki, i-disorderly conduct, ngesiNgisi.

Sikhuluma nje ulaliswe esibhedlela eHarare lapho ethekelelwe khona ngumkhokheli weCCC uMnu Nelson Chamisa ngoLwesihlanu.

UChamisa ukusolile kakhulu ukutshaywa kukaMadzibaba esithi kuveza sobala ukuthi amalungelo oluntu kahlonitshwa eZimbabwe.

UKarembera ubikwa engenelisi ukuthambisa kanye lokuhamba ngenxa yokutshaywa lokhu. Esibhedlela ulindwe ngamapholisa ngoba elokhe eyisibotshwa.

Umsekeli wesikhulumeli seCCC uMnu Gift Ostallos Siziba yena ohambe loChamisa esibhedlela ukuyabona uMadzibaba utshele iStudio 7 ukuthi bafuna amapholisa amtshayileyo ajeziswe.

please wait

No media source currently available

0:00 0:03:19 0:00

Ingcwethi kwezombusazwe uMnu Dinizulu Macaphulana yena uthe ubona ukubotshwa kwamapholisa lawa kuyikuvala nje abantu amehlo okwenziwa nguhulumende ngoba kunguye owathumayo ukuthi ahlukuluze abamabandla aphikisayo.

please wait

No media source currently available

0:00 0:02:12 0:00

Facebook Forum

XS
SM
MD
LG