*** Umsekeli webandla eleCitizens for Coalition Change, uGodfrey Karembera owaziwa ngokuthi nguMadzibaba eShanduko, obotshwe wabhazabulwa ngamapholisa walinyazwa kakubi, ukhangelelwe ukumiswa phambi komthethwandaba namhla.
*** Uzulu upha imibono ehlukeneyo phezu kohlelo lokuhlatshwa kwabantu ijekiseni lokuzivikela kuCOVID-19 uhulumende azaluqhuba kusukela lamuhla mhla ka 21 Mbimbitho kusiyafika umhla ka 3 Mabasa kusigaba sakuqala. Loluhlelo olukhokhelwa ngabogatsha lwezempilakahle, luqondiswe kulabo abakusibanga sokuthi bengalihlatshwa kusukela kwabaleminyaka elitshumi lambili kusiya phezulu.
*** Uhulumende ubika ukuba umkhakha omutsha owe Omicron stealth usukhona e Zimbabwe kodwa abant bengethuswa yilokhu.
*** EleBotswana selihlehlele emuva kusinqumo salo sokuthi abantu abangena elizweni kumele babe ngabahlatshwe ijekiseni yeCovid-19. Isinqumo lesi besesibone inani elingena eBotswana, kugoqela abeZimbabwe abaphila ngokuthenga bethengisa impahla etshiyeneyo, lisehla kakhulu.
*** Amabandla ezombusazwe akhangelelwe ukuba kunsukwana ezilandelayo azaqgiba imikhankaso yawo yokhetho lwama by-elections oluzakwenziwa ngempelaviki. Amabandla amanengi akhankasela ukhetho lolu emadolobheni lemaphandleni.
*** Abammela amalungelo abantu abalesimo eseDown Syndrome bathi kusadingakala ukuba uzulu azwisise ngesimo lesi, ngendlela ezakwenza ukuba abaphila laso bemukeleke kunhlangothi zonke zempilo njalo bavulelwe amathuba wokuthi bathole imfundo yemisebenzi etshiyeneyo ukuze baziphilise njalo bengabandlululwa.
***KuLivetalk namhlanje sikhangela amalungiselelo wokhetho lwamaBy-elections olwenziwa liviki ngoMgqibelo mhla ka 26 Mbimbitho kanye lodlakela osoluthe lwabakona emikhankasweni yokudinga usekelo lokuvotelwa kulolu khetho.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.
Facebook Forum