amalinks wokungena

Breaking News

Asedladlazela Amabandla Ancintisa Kukhetho Olwenziwa Ngempelaviki


Amalunga ebandla leCitizens Coalition abekhankasela ukhetho oluzayo esabelweni seMasvingo ngempelaviki. (VOA)

Amabandla ezombusazwe akhangelelwe ukuba kunsukwana ezilandelayo azaqgiba imikhankaso yawo yokhetho lwama by-elections oluzakwenziwa ngempelaviki. Amabandla amanengi akhankasela ukhetho lolu emadolobheni lemaphandleni.

Imikhankaso yamabandla wonke labazimeleyo ikhangelelwe ukuba izagqitshwa kunsukwana ezilandelayo. Kulabanye abathembisa abantu izulu lomhlaba kubelabanye abathi bazasebenza kahle labantu bonke bengavotelwa kukhetho lwama by-elections. Wonke amabandla athi aselungiselele kahle ukhetho lolu.

UMnu. Trymore Mpofu, okubandla leCitizens Coalition for Change, uthi ibandla lakhe lithakazelelwa nguzulu.

UMpofu uthi kukhangelelwe ukuba ibandla leli lizavotelwa njalo kukhetho oluzakwenziwa ngomnyaka ozayo.

Abakubandla leZanu PF labo bathi bazanqoba kukhetho lolu kulandela ukukhankasa kwalo endaweni ezinengi eZimbabwe. UMnu. Believe Gaule, okubandla leli, uthi …

Ingcwethi kwezombusazwe ezimeleyo, uMnu. Rejoice Ngwenya, uthi kukhanya engani iqhubekela phambili kahle imikhankaso yamabandla atshiyeneyo.

Okunhlanganiso yeFreedom Alliance, uMnu. Nhlanhla Moses Ncube, uthi kwephula inhliziyo okwenziwa libandla elibusayo elithwalele ubhulo aphikisayo.

UMnu. Nelson Chamisa, umkhokheli weCCC, uMongameli Emmerson Mnangagwa labanye bakhe, bakhangelelwe ukuba bazagqiba imikhankaso yokhetho lwama by-elections ngokukhuluma lozulu ebulenjini bokuxhumana becela usekelo lwabo.

Amanye njalo amabandla azakwenza okufanayo ukuze anqobe kukhetho lolu ngoMgqibelo.

Facebook Forum

XS
SM
MD
LG