*** Abalawula ezokhetho elizweni abe Zimbabwe Electoral Commission bathi bamathasathasa belungiselela ukhetho lwamaBy-elections olwenziwa ngoMgqibelo, mhla ka 26. Umqondisi weZEC koBulawayo uMnu Innocent Ncube usechaze ukuba inhlanganiso yakhe isiyenelisile ukufundisa abazaqondisa ukhetho kuzigaba zakoBulawayo kuhlanganisa labantu abazavotisa kuthi izindawo zokuvotela ezingelazindlu sebenelise ukufaka amatende njalo lamapholisa aselinda lezondawo buye eyinye impahla yokuvotisa izahanjiswa endaweni zokuvotela ngokuya kwamalanga.
*** Uzulu upha imibono ehlukeneyo phezu kwesinqumo esesithethwe ngumkhokheli welinye lamacela aweMDC-T, uNkosazana Thokozani Khuphe lokukhuthaza abalandeli bakhe ukuthi bavotele abebandla ele Citizens Coalition for Change-CCC, elikhokhelwa nguMnu. Nelson Chamisa, kukhetho lwamaBy-elections lolomnyaka ozayo oka 2023.
*** Sekulabanye abazali abathi bakhathazekile kakhulu ngodaba lokusilela kolwazi lemfundiso eyanelayo phezu kohlelo lokuhlatshwa kwabantu ijekiseni lokuzivikela kubhubhane lweCOVID-19, besesabela abantwababo ukuba bangaphazamiseka kumpilakahle yabo kakhulukazi abaleminye imikhuhlane efana lowe asthma leminye. Kodwa uhulumende uthi akula ngozi engadalwa yikuhlatshwa kwabantwana, mababavumele abantwana bahlatshwe, bengesabi.
***KuLivetalk namhlanje kuhlelo “The Connection” sikhangela okwenziwa ngabasakhulayo lapho kulungiselelwa ukhetho lwamaBy-elections olwenziwa liviki ngoMgqibelo mhla ka 26 Mbimbitho kanye lodlakela osoluthe lwabakona emikhankasweni yokudinga usekelo lokuvotelwa kulolu khetho.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.
Facebook Forum