*** Abalawula ezokhetho elizweni abe Zimbabwe Electoral Commission baveza ukuba ngosuku lokuvota ngoMgqibelo mhla ka 26 Mbimbitho, kuzobe kuvunyelwa umuntu oyedwa kuphela emele lowo oncintisayo kulolokhetho okuyinto eqalayo ukuthi lokhu kwenzakale, abezamabandla aphikisayo abakusolayo. Kodwa abeZanu PF bona bathi kabalankinga ngaleyo nguquko esithe yenziwa ngabe ZEC.
*** Ibandla leZANU PF liqhube umhlangano we rally namuhla eHarare lapho indodana kamuyi owayengumongameli uMnu. Robert Mugabe Junior athe uyalixhasa.
*** Ngakwelinye icele, ibandla leCitizens Coalition for Change livunyelwe ngumthethwandaba ukuqhuba umhlangano ebeliwuvinjelwe namuhla eTafara eHarare, njalo lilokhe lilwisa ukuthi kuthathwe inyathelo elifanayo ngowakusasa eEpworth.
*** Izehlakalo esezibone owayengumongameli weBotswana, umnunzana Ian Khama ebaleka elizweni esiyahlala kweleSouth Africa lokubotshwa kukasibalukhulu wamapholisa kuyonale iviki, sokutshiye inengi okugoqela abeZimbabwe abahlala kweleBotswana, bezibuza ukuthi kambe ilizwe leli elaziwa ngokuthula, selingenwe yini.
*** Kuhlelo lwezizalwane zeZimbabwe ezihlala kwamanye amazwe, namuhla sixoxa loMnu. Sipho Ngulube osebenza kwele South Africa.
***KuLivetalk namhlanje kuhlelo “Diaspora Forum” sikhangela okwenziwa ngabadabuka eZimbabwe asebehlala kwamanye amazwe.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.