amalinks wokungena

Breaking News

Ngisekela Ibandla leZANU PF, Kutsho uMnu. Robert Mugabe Junior


UMnu. Robert Mugabe Junior

Ibandla leZANU PF liqhube umhlangano we rally ngoLwesithathu eHarare lapho uMnu. Robert Mugabe Junior, indodana kamuyi owayengumongameli uMnu. Robert Mugabe athe uxhasa lelibandla, ngoba kuyilo alaziyo kusukela ezalwa.

Asizweni uMnu. Mugabe ekhuluma kulumhlangano.

please wait

No media source currently available

0:00 0:00:18 0:00

Ngakwelinye icele, umthethwandaba uvumele ibandla leCitizens Coalition for Change ukuthi liqhube umhlangano ebeliwuvinjelwe eTafara eHarare, ngesizatho sokuthi eleZANU PF lalo belizakuba lowalo endaweni efanayo.

Ibandla leli livinjelwe njalo ukuqhuba omunye njalo umhlangano eEpworth eHarare ngoLwesine.

Isikhulumeli salelibandla uNkosazana Fadzayi Mahere utshele iStudio 7 ukuthi ibandla lakhe liyasola ukube livinjelwa imihlangano ngezizatho ezehlukeneyo lize livunyelwe yimthethwandaba.

Uthi kusobala ukuthi ibandla lakhe aliphiwa ithuba elifanayo elokukhankasa njengeleZANU PF lamanye amabandla.

Ukuhlaziya loludaba, sixoxe loMnu. Thandeko Zinti-Mnkandla, ingcwethi ecubungula ezombusazwe njalo elilunga leCCC. Siqale ngokumbuza ukuthi kambe amathuba okukhankasa ayilangana yini kumabandla wonke.

please wait

No media source currently available

0:00 0:03:43 0:00

UMnu. Mnkandla uqhubeke wathi akucaci ukuthi uMnu. Mugabe Junior engabe esekela ibandla leZANU PF ngokuthanda kumbe hayi, njengoba uyise walihlamukela engakatshoni.

Facebook Forum

XS
SM
MD
LG