amalinks wokungena

Breaking News

Amabandla Ancintisa Kukhetho Oluzayo Akhonona NgeVoters' Roll Kumele Atshiyane Lalo Na?


FILE: Omunye wabantu abavota kukhetho oluqakathekileyo ngomnyaka ka2018 kwele Zimbabwe.

Amabandla ancintisa kukhetho lwama by-elections oluzakwenziwa ngoMgqibelo asegqiba imikhankaso yawo ngesikhathi amanye ekhonona ngesimo esibi sogwalo lokuvota – iVoters Roll.

Ibandla leCitizens Coalition for Change leleLabour, Economists and African Democrats athi ugwalo lolu lumanikiniki ngakho-ke akumelanga lusetshenziswe ngempelaviki.

Kodwa iZimbabwe Electoral Commission ithi izasebenzisa ugwalo lolu ilandela umthetho olawula ezokhetho oweElectoral Act.

Abaphikisayo bakhala langokwethulwe yiZEC ethi kumele kube lomuntu oyedwa ozamela ibandla elincintisa kukhetho lolu ozavunyelwa ukungena phakathi kwendawo yokuvotela hatshi abambalwa njengalokhu obekusenzakala kusukela ilizwe lithola uzibuse.

Bakhala njalo ngokudindwa kwamaphepha okuvota besithi akwenziwanga ngendlela eqondileyo. Abaphikisayo bathi kukhanya engani iZEC ibambisana lebandla leZanu PF ukwenzela ukuba kuphekwaphekwe impumela yokhetho.

Abamele iZEC lebandla elibusayo bayakuphika lokhu. Amabandla aphikisayo angene njani kukhetho lolu ekwazi ukuba iVoters Roll imanikiniki?

UMnu. Bernard Bhekilizwe Ndlovu, ingcwethi kwezombusazwe ezimeleyo, uthi amabandla la azithwalisa nzima ngoba akulalutho olukhanyayo olungaphuma kukhetho eZimbabwe kungakalungiswa ugwalo lokuvota.

Kodwa uMnu. Nhlanhla Moses Ncube, okunhlanganiso yeFreedom Alliance, uthi amabandla aphikisayo alelungelo lokuncintisa kukhetho eZimbabwe.

UNcube uthi kumele uzulu ajezise ibandla leZanu PF ngokuvotela aphikisayo ngobunengi babo.

Facebook Forum

XS
SM
MD
LG