Umongameli webandla le Citizens Coalition for change, umnu. Nelson chamisa uze wenza umhlangano we rally owokucina phambilini kokhetho lwama by elections ngempelasonto edolobheni le Epworth.
Lumhlangano ubuvinjwe ngamapholisa abethe kawasoze awuvumele ukuthi uqutshwe ngoba engasoze enelise ukuzowulinda. Kodwa inkokheli yalibandla igijime yaya emthethwandaba othe kumele wenziwe ngoba kulilungelo lomuntu wonke ukuthi abe lomhlangano nxa efuna.
Kungelani lalokhu inkulungwane zabalandeli bebandla zithe gwaqa emhlanganweni lo. Emazwni akhe uChamisa uthe uhulumende wakhe uzakupha abahlali be Epworth incwadi zokuhlala okusemthethweni hatshi okwenziwa nguhulumende kamnangagwa ohlala ethembisa ukuthatha lelinyathelo kodwa esehluleka. Ke sizwe amazwi akhe:
UChamisa ukhuthaze abalandeli bebandla lakhe ukuthi bavote ngobunengi kukhetho lwangomgqibelo kuzabela lezigaba lapho okuzakuba kuvotwa khona ngoMqibelo.
Kunjalo nje, omunye wabancintisa kukhetho lwama by elections, unkosazana Linda Masarira ongumkhokheli webandla le Lead, usehambise udaba lokungamanga kuhle koluhlu lwabavoti emthethwandaba.
UMasarira uthi kumele ikhomisheni yezokhetho eye ZEC imuphe uluhlu olubalulekileyo olwesigaba asimeleyo ese Harare Central njalo aziswe ukuthi kulamaphepha okuvotela, ama ballot papers amangaki adhindiweyo.
Lokhu sikudaba lunye sixoxe lomgcinisihlalo webandla le CCC uNkosazana Thabitha Khumalo saqala ngokumbuza ukuthi njengoba uluhulu lwabavoti, olwe voters’ roll lungacacanga abesabeli ukuqilibezelwa na?