Abakubandla leZanu PF abancintisa kukhetho lwama by-elections ngoMgqibelo sebenika abantu ukudla ukwenzela ukukhanga ukuba bebavotele.
UNkosazana Lorraine Gumbo, isakhamuzi sikaWard 21 egoqela iTshabalala leSizinda, uthi ubone abantu bephiwa impuphu.
Esinye isakhamuzi sakoBulawayo, uMnu. Bekithemba Nhliziyo, uthi uyakusola kakhulu ukuphiwa kwabantu ukudla ngesikhathi sokhetho.
Olwela amalungelo oluntu, uNkosazana Cora Ndebele, uthi abathola ukudla abazi ukuthi iviki isiyaphela kuyabe sekuphelile bona sebethengise amavoti.
Isisekelo sombuso welizwe asivumeli ukuthi abantu abazancintsisa kukhetho bakhange abavoti ngokudla kumbe imali.
Ngasikhathi sinye abekhomishini eqondisa ezokhetho eyeZimbabwe Electoral Commission bathi bathanda ukwazisa uzulu ukuthi lokhu beqhubeka ngolunye uhlelo lwabo lokubhalisa abantu ukuba bathole ilungelo lokuvota, olweVoter Registration kulungiselelelwa lokubumba izigaba ezintsha zokhetho lomnyaka ozayo.