amalinks wokungena

Breaking News

Izakhamizi zeGwanda Zifuna Amasotsha Aphathise Ekuvikelweni Kokuntshontshwa Kwenkomo


Izakhamizi zifuna ibutho lincedisane lamapholisa ekulwisaneni lokutshontshwa kwezifuyo eGwanda.

Inkokheli zeGwanda South zithi kuyadingeka ukuthi abebutho bangenele basebenzelane lamapholisa ekulwisaneni lokutshontsha kwezifuyo ikakhuku inkomo phansi komngcele wakweleBotswana leZimbabwe eMlambapeli.

Izakhamizi zeMlambapeli zihlangani leziphathamandla zikahulumende ezitshiyeneyo kuviki eyedlulileyo ezibalisa umphantintambo wezenzakala phakathi kwelizwe uMnu Kazembe Kazembe lomkhula wamapholisa uMnu Godwin Matanga ukuze kubunjwe amaqhinga yokwenqabela ukutshontshwa kwezifuyo lokhu.

Inengi lezakhamizi ezikhulume kulumbuthano ziveze ukudana okukhulu ngendlela amapholisa asebenza ngayo athi kungabanjwa amasela aphinde abonakale sephendukile ngemva kwensukwana.

Ngalokhu umlisa weMlambapeli uMnu Bheki Spencer Manyunyu uthi kuyadingeka ukuthi ibutho lakuleli lisebenzelane lamapholisa ukuze kuqedwe ukutshontshwa kwezifuyo ezibalisa inkomo, imbuzi kanye labobabhemi.

Ngaphandle kokutshontshwa kwezifuyo umngcinisihlalo wekhansili yeGwanda Rural District Council uMnu Joram Ndlovu uthi ubugebengu buyaqhela ezigabeni

Kungakho uthi uzulu kasalathemba kuhulumende okhona ngoba izikhalazo zabo zingakhangelwa.

UMnu George Mlilo owayengunobhala wogatsha lukahulumende lwezokuhambisa lokuthuthukiswa kwezakhiwo okhulume emele abalimi yena ukhale ngabatshutshusi emthethwandaba.

Uthi kuyadingeka njalo ukuthi izigaba zizibuse ngohlelo lwedevolution hatshi ukuthi yonke into iqhutshwe esigodwleni eHarare.

UMnu Kazembe Kazembe uthe bazathatha lokhu abakutholileyo bayekwethula kuMongameli welizwe uMnu Emmerson Mnangagwa.

Lonyaka amapholisa ahlasele esigabeni seTshanyawugwe edinga amasela enkomo, ababotshwayo ngaleso sikhathi baphandle ngemva kokubhadala imali yesibambiso ibail ukuze bathonisiswe besuka emakhaya abo.

Lokhu sekudale ukuthi izakhamizi zithathe umthetho ziwufake ezandleni zabo lapho zithi zabamba lawamasela.

please wait

No media source currently available

0:00 0:03:41 0:00

XS
SM
MD
LG