WASHINGTON DC – Amasela agqekeze enkampanini epheka isinkwa eyeLobels, eBelmont, koBulawayo atshontsha imali ephezu kwezigidi zamaRand ezilitshumi lasithupha, R16, 739,950.
Amapholisa athi kutshontshwe njalo inkulungwane zamadola eMelika ezingamatshumi phose ayisitshiyangalombili, US$79, 819, iP950.00 kanye lenkulungwane zamadola aseZimbabwe ezedlula ikhulu, Z$110,000.
Lokhu kwenzakale kuthange ebusuku. Izehlakalo zobusela obunje kanye lezokubanjwa inkunzi kwabantu yizigebengu ezihlome ngemibhobho sezibhahile kuleli.
Amapholisa athi abangaba lolwazi ngesehlakalo seLobels kumele baze phambili.
Olwela amalungelo oluntu uMnu Mbuso Fuzwayo uthi inking yikuthi amapholisa lawo kaselakho ukuthembeki ngoba kulamanye asebotshiwe ngezehlakazo zobusela.
Facebook Forum