amalinks wokungena

Breaking News

Inhloko ZeNdaba Mbimbitho 29, 2022


*** Iqubekela phambili iqonga intengo yempahla ezitolo lakho konke okudingakala empilweni yomuntu eZimbabwe.

*** Abenhlanganiso ezimmela abesifazane bakhala ngokuthi amabandla ezombusazwe e Zimbabwe, akalandeli iziqondiso zokukhethwa kwabo ezikhundleni zobukhokheli, okuvezwe linani eliphansi elikhethwe kumaBy-elections, enziwe ngempelasonto edluleyo.

*** Inhlanganiso yeAmnesty International ithi kwephulwe amalungelo oluntu ngendlela eyesabekayo eZimbabwe ngomnyaka uphelileyo u2021.

*** EleRussia lithi selinciphisa inhlelo zalo zokuhlasela isigodlo seUkraine eKyiv ledolobho elingenyakatho yalelolizwe eleChernihiv ukwenzela ukuthi kubelokuthembana kunkulumo ezisaqhubeka ezokukhumisana umlotha phakathi kwamazwe womabili.

*** Ujabulela ukunqoba kweqembu lakhe nxa lidlala lisekhaya umqeqetshi we Highlanders uMandla Mpofu.

***KuLivetalk namhlanje, kuhlelo “The Connection” uMike Hove weStudio 7, uxoxa labatsha abanqobe kukhetho lwamaBy-elections olwenziwe ngempelasonto edluleyo kanye labakwenzayo ukukhuthazana ukungena kwezombusazwe lokubhalisela ukuthola ilungelo lokuvota kulungiselelwa ukhetho lomnyaka ozayo ka2023.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG