amalinks wokungena

Breaking News

Inhloko Zendaba Mbimbitho 30, 2022


Inhloko ZeNdaba
Inhloko ZeNdaba

*** Osomabhizimusi bamukele ngenjabulo isaziso sokuthi umbukiso walonyaka wezokuthengiselana oweZimbabwe International Trade Fair (ZITF) uzakwenziwa kusukela mhla ka 26 Mabasa usiyaphela mhla ka 31.

*** Inhlanganiso eziqhatsha abasebenza kwezempilakahle eBhilithane, ababizwa ngokuthi ngama Health Care Recruitment Agencies, zithi zikhathazekile kakhulu ngabadabuka eZimbabwe ababalekayo betshiya imisebenzi abayilethelwa elizweni, besiyacela ukuphephela kukanti bayabe belungiselwe amaVisa lencwadi zokuzosebenza kwezempilakahle kuphela kweleBhilithane.

*** Umphathintambo obona ngezokungena lokuhlala kweleBotswana, uthi bahamba ngonyawo lonwabo ekuhluzeni izecelo zabokuza, okugoqela inengi elivela eZimbabwe, ukuthi babe ngabe Botswana ngesicelo. Inengi labeZimbabwe lifuna ukufulathela ilizwe ngenxa yesimo somnotho kanye lokungahlaliseki kwezombusazwe.

*** Impi yele Ukraine iveze ukuba ele Zimbabwe alilazo indlela zokunakekela izizalwane zalo ezikwamanye amazwe. Ngesikhathi amanye amazwe ethumela indizamtshina ukuthi ziyehlenga izizalwane ebeseziphakathi kodubo lokuqhamuka kwempi ele Zimbabwe belikhona lisadingisisa ukuthi izizalwane zalo vele zingaki ezikwele Ukraine. Kambe lingaba lithole Sifundo bani ele Zimbabwe kumpi yele Ukraine ekunakekeleni kwalo izizalwane ezikwamanye amazwe?

*** EleRussia lithi selinciphisa inhlelo zalo zokuhlasela isigodlo seUkraine eKyiv ledolobho elingenyakatho yalelolizwe eleChernihiv ukwenzela ukuthi kubelokuthembana kunkulumo ezisaqhubeka ezokukhumisana umlotha phakathi kwamazwe womabili.

*** Ibutho lwakwele Russia libhomba ngamandla edolobheni elikhulu lakwele Ukraine loba uhulumende kaMnu. Vladmir Putin esithi sesusa ibutho duzane leKyiv. UPutin ubike izolo ukuba uzasusa ibutho lakhe duzane ledolobheni leli. UMongameli Joseph Biden wakwele Melika, umkhokheli weBhilithane uMnu. Boris Johnson lowayengumkhokheli welizwe leli uMnu. David Cameron labanye, bathi eleRussia kalithenjwa ngakho bazabona ngokuzakwenziwa nguPutin hatshi ukukholwa ngenhliziyo yonke ukuba usesusa ibutho lakhe duzane leKyiv.

***KuLivetalk namhlanje, kuhlelo “Diaspora Forum” sizwa imibono yabadabuka e Zimbabwe ngokuphume kukhetho lwamaBy-elections olwenziwe ngempelasonto edluleyo kanye lokwenzakala kwele Ukraine ehlaselwa ngele Russia.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG