amalinks wokungena

Breaking News

Amalunga Ebandla leCitizens Coalition for Change Kawafuni Ukuba Ibandla Leli leleMDC-T Ebumbe Umanyano Wokuncintsa Kukhetho Oluzayo


Amalunga ebandla leCitizens Coalition for Change aliswa ngamapholisa ukuba angene enkundleni yemidlalo eMarondera ngesikhathi ibandla leli likhankasela ukhetho lwama by-elections olwenziwe ngeviki ephelileyo. (Columbus Mavhunga)

Abantu abanengi abakubandla leCitizens Coalition for Change elikhokhelwa nguMnu. Nelson Chamisa bayala ukuthi kubunjwe umanyano leMDC-T, abathi idlelana leZanu PF.

Bathi uMnu. Douglas Mwonzora, okhanya efisa ukubumba umanyano loChamisa, ulakho ukudiliza ibandla leCCC lingamanyana lelakhe.

Omunye wabafunga ngabaphansi esithi akumelanga bedlelane loMwonzora labanye bakhe nguNkosazana Thabitha Khumalo.

UMaKhumalo uthi ukudlelana loMwonzora kufana lokufuya inyoka.

Uthi kunengi kakhulu okungaqondanga okwenziwa nguMwonzora.

Kodwa uMnu. Witness Dube, obona ngokwethulwa kwemibiko kubandla leMDC-T, uthi kuqakathekile ukuba amabandla la amanyane ngesikhathi sokhetho.

UDube uthi akubahluphi ukusebenza labanye.

Ingcwethi kwezombusazwe zithi kuqakathekile ukumanyana ngesikhathi sokhetho. UMnu. Nhlanhla Moses Moyo ngomunye olombono lo.

UNcube uthi uMwonzora kazange athuke uChamisa.

Uphinde wathi abakhokhela amabandla la bamadolo nzima okwamanje.

Eyinye njalo ingcwethi kwezombusazwe, uMnu. Effie Dlela Ncube, uthi kusakude ukuba amabandla la abumbe umanyano ngesikhathi sokhetho.

UNcube uthi okungenza ukuba bebumbe umanyano yikuba bafisa ukususa ibandla elibusayo embusweni.

Akwaziwa ukuba amabandla la azakwenzani ngesikhathi sokhetho oluzayo. Ibandla likaMwonzora likhe phansi kukhetho lolu kuthi elika Chamisa liyaqolotsha lisithi lizamlahla phansi uMongameli Emmerson Mnangagwa lebandla lakhe ngomnyaka ozayo.

Facebook Forum

XS
SM
MD
LG