amalinks wokungena

Breaking News

Inhloko ZeNdaba Mabasa 04, 2022


*** Uhlangothi olubona ngezemihloliso olwe Zimbabwe School Examination Council, luthi izikolo zizavalwa impumela yemihloliso ka O level le A level ingakethulwa ngenxa yezizatho ezithile ezigoqela ukuphuza kokubhalwa kwemihloliso ngenxa yeCovid 19.

*** Izakhamizi zeGwanda zithi amapholisa kumele abhode emalokitshini ebusuku kuze kuse ukuze alwisane lobugebengu osobubhahile kulelidolobho.Lokhu kulandela ukubulawa komunye uGogo elokitshini leSpitzkop ebusuku kuthange ngumuntu okucatshangelwa ukuthi lisela.

*** Umongameli Emmerson Mnangagwa ubikwa eyeMozambique lapho ayebhalelane izivumelwano zokusebenzelana kwezenotho lomunye wakhe uMongameli Felipe Nyusi.

*** Umongameli Cyril Ramaphosa uthi uhulumende lebandla lakhe abalisekeli iqembu elizingela abantu bokuza elizibiza Operation Dudula ngoba lona lezenzo zalo akukho emthethweni.

*** EleUkraine lithi kumele uMnu. Vladmir Putin, okhokhela ilizwe leRussia, ajeziswe ngamazwe wonke womhlaba ngoba ibutho lakhe libulele abantu abanengi labaphosela emagodini aphandwe ngesiphangiphangi – ama mass graves - emadolobheni agoqela iBucha, Irpin lamanye.

*** Uthi akula imidlalo elula kusigaba se Castle Lager Premier Soccer League uJoey Antipas, umqeqetshi weqembu elihlezi phezu kwengalane yemiklomelo ele Chicken Inn.

***KuLivetalk namhlanje, siqhubekela phambili sihlaziya okuphume kukhetho lwamaBy-elections olwenziwe mhla ka 26 wenyanga edluleyo kaMbimbitho kanye lokwenzakala kwele Ukraine ehlaselwa ngele Russia.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG