amalinks wokungena

Breaking News

UMongameli Mnangagwa Usekwethekeleleni eMozambique Ukuyaqinisa Ubudlelwano


President Emmerson Mnangagwa

U Mongameli Emmerson Mnangagwa ubikwa esefikile eMaputo, kweleMozambique, esungula uhambo lwamalanga amathathu lapho akhangelelwe ukulobelana izivumelwano ezithile lomunye wakhe walelo lizwe uMongameli uFilipe Nyusi. Iphephandaba le herald libika ukuba ukhokhelwa iqula lokusebenzelana kwamazwe womabili phansi kohlelo olwe Joint Permanent Commission on Co-operation (JPCC) lolwe Bi-National Commission (BNC).

U Mnangagwa ubikwa efike eMaputo International Airport izolo ntambama wamukelwa ngumpathintambo wezobudlelwano be Mozambique lamanye amazwe womhlaba uVeronica Macamo Dlhovo, lommeli weZimbabwe eMozambique, uAmbassador Victor Matemadanda.

Iqula lakhe ligoqela abampathintambo abambalwa abagoqela uAmbassador Frederick Shava, obona ngobudlelwano lamanye amazwe, owezomvikela uNkosikazi Oppah Muchinguri-Kashiri, owezemithetho uZiyambi Ziyambi, owendaba zokulinganiswa kwamathuba abesilisa labesifazana, uNkosikazi Sithembiso Nyoni labanye.

Amazwe womabili akhangelelwe ukulobelana izivumelwano ezine kulolu hambo, emisebenzini yentuthuko yeze Science lokusetshenziswa kwemitshina yangalezi nsuku eye Technology, ezemithetho lokunye, kubika uAmbassador Shava.

Ele Mozambique liqhubeka kungelinye lamazwe alobudlelwano obuqinileyo kwezokuthengiselana leleZimbabwe, esigabeni semhlubulweni wangezansi yezwekazi le Africa, ngakhoke likhangelele ukuqinisa lokuqhlisa limisebenzi.

Umongameli Mnangagwa ukwethekelela indawo lapho okubekwa amaqhawe alelo lizwe eye Mozambican Heroes Acre okulele khona umongameli walelo lizwe owayelodumo, umuyi uMnu. Samora Machel.

Facebook Forum

XS
SM
MD
LG