amalinks wokungena

Breaking News

Inhloko ZeNdaba Mabasa 5, 2022


*** Uhlangothi olubona ngezemihloliso olwe Zimbabwe School Examination Council, solwethule impumela yemihloliso ka A level lusithi ukuphuza kokubhalwa kwemihloliso ngenxa yeCovid 19, ngokunye kokuphazamise umsebenzi.

*** Ibhanga elikhulu lelizwe eleReserve Bank Zimbabwe, lethule amanyathelo elithi akhangelelwe ukumisa ukuwa kwesisindo sedola leZimbabwe. Lokhu kungemva kokuba isilinganiso sedola leZimbabwe selikhuphuke laya kumadola angamakhulu amathathu kudola elilodwa eleMelika.

*** Amakholwa esi-Islam aseZimbabwe amanyana lamanye amakholwa umhlaba wonke jikelele kuhlelo lweRamadan lokuzincitsha kanye lokuthandaza okwenyanga yonke. Amakholwa la atshele i-Studio 7 ukuthi ayalujabulela olwalonyaka, esithi ngoba ezakwenelisa ukubuthana ngemva kokuyekethiswa kweziqondiso zokulondoloza ukusabalala kwe COVID-19.

*** EleSouth Africa selesule umthetho obufakelwe ukwenqabela ukumemetheka kweCoronavirus.

*** Umanyano we United Nations namuhla ukhangelelwe ukucubungula udaba lokubulawa kwabantu eUkraine kumpi esaqhubeka kulelolizwe leleRussia ngesikhathi eleMelika lisithi kufanele iMoscow ingabi lilunga logatsha lwe UN Human Rights Council kulumanyano.

***KuLivetalk namhlanje, kuhlelo “The Connection” sikhangela ukuphatheka kwabasakhulayo kuhlelo lokubhalisela ukuthola ilungelo lokuvota, olwe Voter Registration.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG