amalinks wokungena

Breaking News

Uzulu Uthi Ukungathenjwa kweJekiseni leCovid 19 Vaccine Yikho Okwenza Inengi Lithikaze Ukulihlatshwa


Ijekiseni eyeSinopharm Covid 19 Vaccine

Abe Pangea Zimbabwe Aids Trust baveze lokhu emhlanganweni lentathelizindaba, owe Media Science Cafe, eziloba indaba zezempilakahle ezenhlanganiso eye Health Communicators Forum.

Impumela yenhlolisiso eyenziwe ngabenhlanganiso eye Pangea Zimbabwe Aids Trust, ngohlelo lokuhlatshwa kabantu ijekiseni yokuzivikela kuCOVID-19 eyenziwe phakathi kuka Mpandula kusiya kuMfufu nyakenye, iveze ukuba bakhona abangawathembiyo amajekiseni alungiswa kweleChina, awe Sinopharm le Sinovac, okungenye yembangela esiphazamise ukwamukelwa kwawo elizweni eZimbabwe.

Abe Pangea Zimbabwe Aids Trust baveze lokhu emhlanganweni lentathelizindaba, owe Media Science Cafe, eziloba indaba zezempilakahle ezenhlanganiso eye Health Communicators Forum.

Lokhu kuza ngesikhathi uhulumende ehluleke ukufinyelela isilinganiso okwakumele asifikise sabantu asebehlatshiwe ijekiseni eyeCovid 19 Vaccine, sokungamatshumi ayisithupha kusiya kwayiskhombisa ekhulwini ( 60-70% ) kusiyaphela uMpalakazi wanyakenye.

Okwamanje usezama ukuthi afinyelele esibekwe ngabenhlanganiso ebona ngezempilakahle umhlaba wonke jikelele eye World Health Organisation, WHO esikaNhlangula lapho kumele kube sekuhlatshwe abayisilinganiso sokungamatshumi ayisikhombisa-70% umhlaba wonke.

Impumela yalenhlolisiso eyenziweyo iza uhulumende ephakathi kokwenza imizamo ukuthi alifinyelele lelonani labe WHO, ngokusungula uhlelo lokuphuma ijumo elanda abantu duzane lalapho abahlala khona olweMobile Vaccination Blitz, egxile ikakhulu ezikolo ebantwaneni besikolo abakuminyaka esukela kwelitshumi lambili kusigaba sakuqala esasungulwe mhla ka 21 Mbimbitho, sagqhitshwa mhla ka 4 kuyonale inyanga kaMabasa ( 21 March to 4 April 2022 ), esesibili sona sikhangelelwe ukusungulwa mhla ka 2 ngoNkwenkwezi siyegqhitshwa mhla ka 15 wenyanga inye ( 2 to 15 May ).

Unkosikazi Zandile Mthethwa waseCowdray Park edolobheni lakoBulawayo uthi lulokhe lusilela ulwazi ngalemithi evelela kwele China ebantwini njengaye.

“ Lanxa sahlatshwa kodwa, hayi, vele asikuzwisisi okuyinto kwakhona. Siyabe siphonkwenza nje ukuthi njengoba kungumthetho weGovernment kodwa akuzwisiseki ngoba even khathesi abadala labo abahlabayo, umuntu wayeziphilele kodwa sehlala egula. Ah, singazi lina ukuthi likubona njani kodwa mina vele angikuzwisisi lokho.”

Umnumzana Marvelous Khumalo, isikhulumeli enhlanganisweni yeChitungwiza and Manyame Rural Residents Association ( CAMERA ) engumgcinisihlalo njalo weyinye njalo emanyanisa idolobha leHarare, ye Harare Metropolitan Residents Forum - HAMREF, laye upha umbono wakhe phezu kwaloludaba.

“Thina siyathaba ngoba uhulumende utshengisa ukuthi laye uzimisele ukuze njengeZimbabwe lathi, sifake i-contribution yethu yokuthi sifike lathi kuGlobal target yokuvikela about 70% eye population kumbe uzulu walapha eZimbabwe u-June 2022 engakafiki, siyathaba kakhulu. ”

Enye ingcwethi kwezempilakahle enguyena mqondisi wohlangothi olubona ngezempilakahle lokulondolozwa kwemvelo ( Director of Health and Environmental Services ) kumanisipala wedolobha leChitungwiza, uDokotela Tonderai Kasu ukhuthaza uzulu ilizwe lonke ukuba ayelihlatshwa lelijekiseni ngoba lingelahlolwa latholakala ukuba lilungile njalo liyasebenza.

“Ngikhuthaza wonke umuntu ongakalihlatshwa ukuthi ayehlatshwa, lalabo abangalihlatshwa ngokwaneleyo labo bayelihlathswa.”

Obona ngezokuqhutshwa kwenhlelo enhlanganisweni ye Pangea Zimbabwe Aids Trust le unkosazana Gwendolyn Chapwanya utshele intathelizindaba ukuba linhlolisiso bayiqhube ezibhedlela lemakilinika agoqela ese Sally Mugabe Central Hospital ( Harare Central Hospital ), Parirenyatwa Group of Hospitals, Wilkins Hospitals, Mt Pleasant Clinic, Hopely Clinic, Chinhamora Clinic eseGoromonzi Lupane Clinic kanye leGwai Clinic.

Facebook Forum

XS
SM
MD
LG