amalinks wokungena

Breaking News

Impumela Yemihloliso Eka'O' Level Isikhona


Zimsec Logo

Embikweni okhitshwe ngabe ZIMSEC abantwana abalobe imihloliso bebezinkuungwane ezingamakhulu aphose afike amabili lengxenye-249,914 okulinani elehle kulalabo abaloba ngo2020 abazinkulungwane ezedlula amakhulu amabili lengxenye- 264 099.

Uhlangothi olubona ngemihleoliso olwe ZIMSEC lwethule impumela yemihloliso yabafundi abalobe I’O’ Level ngomnnyaka odluleyo oka 2021, eveza ukuba inani labantwana abenze kuhle likhuphukile ngesilinganiso sokukodwa le ngxenye ekhulwini-1,57% nxa kuqathaniswa lo 2020.

Embikweni okhitshwe ngabe ZIMSEC abantwana abalobe imihloliso bebezinkuungwane ezingamakhulu aphose afike amabili lengxenye-249,914 okulinani elehle kulalabo abaloba ngo2020 abazinkulungwane ezedlula amakhulu amabili lengxenye- 264 099.

Lokhu kutsho ukuba inani labantu abalobe imihloliso lonyaka benze kuhle ngesilinganiso samatshumi amabili lasithupha ekhulwini- 26.34% kulanyakenye ababa yisilinganiso sokungamatshumi amabili lane 24.77%.

Isikhulumeli se ZIMSEC uNkosikazi Nick Dlamini utshele intathelizindaba ukuba iphumela le, isitholakala endaweni zonke zelizwe.

“IZIMSEC yazise uzulu ngempumela yemihloliso yogwalo lwe O level. Abakhokheli bengeza bezindawo zokulobela bengeza bazothatha impumela yemihloliso leyi kuqala kusasa”

Uqhubeke esithi uhlangothi lwakhe luyabonga ikakhulu abezempilakahle abancedisa ekulothweni kwemihloliso leyi ngesikhathi ilizwe lilwisana le Covid-19.

“Ababhali kanye labazali bayenelisa ukubona impumela besebenzisa omakhalwekhukhwoini kuqala ngo 6pm namhlanje ntambama, IZIMSEC ibonga usekelo eyaluphiwa ngabantu bonke abagoqela abezempilakahle ngesikhathi semihloliso le”

Abazali bathi sebezaqala amalungiselelo okuba abantwana baye ku A level, ngoba iterm yakuqala ivele isiphelile.

Lokhu kutshiwo ngu Mnu Herbert Sibindi isakhamuzi seHarare yena olomntwana olobe imhloliso.

“Siyathokoza ukuba impumela yemihloliso isiphumile ngesikhathi sesizwile ngoma. Abantwana sokumele beqale ukuya ukubona ukuba bayakhetha ama combinations abo”

UMnu Leonard Mashiri omunye njalo umzali yena ulokuthandabuza ngempumela yemihloliso yanyakenye.

“Kuyamangalisa ukuba kulabantwana abanengi abenze kuhle kumihloliso nxa sikhangela isimo esasiselizweni kwezemfundo kuminyaka emibili esanda kwedlula asithembe ukuba bamakili okweqiniso abe ZIMSEC”

IZIMSEC ithe loba nje impumela yemihloliso yanyakenye iphuzile ukuphuma bayathokoza ukuba kube nganeno kulaleyo eka2020 eyacina iphuma ngo Nkwenkwezi nyakenye ngenxa ye Covid-19.

Facebook Forum

XS
SM
MD
LG