amalinks wokungena

Breaking News

Inhloko ZeNdaba Mabasa 13, 2022


Inhloko ZeNdaba
Inhloko ZeNdaba

*** Abenhlanganiso ezisebenzisana lozulu, ezikumanyano owe Crisis in Zimbabwe Coalition, baveza ukukhathazeka okukhulungokubulawa kuka Mnu. Elvis Nyathi isizalwane seZimbabwe ebe sihlala kweleSouth Africa kanye lokukhuphuka kwezehlakalo zokuhlaselwa kwabavela kwamanye amazwe osekusenzakala kulelozwe.

*** Inhlanganiso ebona ngokulondolozwa kwamalungelo oluntu eye Amnesty International ithi izizalwane zakwamanye amazwe ezihlala eDiepsloot ikakhulu ezeZimbabwe zithi sezifuna ukusuka elokitshini leli ngokwesabela ukuthi okwenzeke kumuyi uElvis Nyathi kungenzeka lakubo.

*** Kulokukhathazeka kweleBotswana ukuthi abangena kulelozwe okungekho emthethweni badonsa inyawo edabeni lokuhlatshwa ijekiseni yokuzivikela kuCovid-19 besesabaukubotshwa bengaya emtholampilo kulelozwe. Uhulumende weleBotswana yena uthi abahlala kulelozwe okungekho emthethweni akumelanga bayesabe ukuya endaweni zokuhlatshelwa ijekiseni yeCovid-19.

*** Kuliviki esigabeni sokwenziwa ngabadabuka e Zimbabwe asebehlala kwamanye amazwe sile ngxoxo loNkosikazi Sisa Sibandal Ncube ekhuluma ngemithandazo yabo abayenza ecingweni nsuku zonke iPrayerline lasenkundleni yokuxhumana eyebulenjini eyeZoom.

***KuLivetalk sikhangela okwenzakala kwele South Africa okubulewe isizalwane seZimbabwe emzini owe Diepsloot, ngesihluku sokugongodwa ngamatshe qede lapho satshiswa.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

‚Äč
XS
SM
MD
LG