amalinks wokungena

Breaking News

Umongameli Emmerson Mnangagwa Uthi Imuli Yako Elvis Nyathi Owabulawa eDiesploot Izaphathiswa Nguhulumende Ukumngcwaba


Some of the relatives and friends of the late Elvis Nyathi who held a meeting in Hillbrow, South Africa, to prepare for his burial.

Umongameli Emmersona Mnangagwa uthi imuli ka Elvis Nyathi obulewe kwele South Africa yizizalwane zalelolizwe edolobheni le Diespsloot kwele South Africa ngeviki edluleyo izaphathiswa nguhulumende ukumngcwaba. Imuli kamuyi ithi icunulwa yikungabotshwa kwabenza lesi sihluku.

Umamomncane ka Elvis uNkosikazi Sithembile Sibanda uthi usebuhlungwini ngokubhubha kuka Elvis ngesihluku.

"Kunzima la, Elvis wakho Elvis wami angazi ukuthi abantwana ngizabenzani ngoba nguye ade eba supporter, ukhulu wabo wabhubha,” kutsho uSibanda.

Udadewabo omlandelayo uthi umuyi uElvis wamfonela ngosuku abambulala ngalo ebonisa ukwesaba okukhulu.

Sibona abadudulayo ngapha sisi siyagijima.

Basithwalise nzima bathi sibuyele kithi ekhaya eZimbabwe. Mina sengtshela Lina bhudi ukuthi nxa kunjalo bhudi kungcono libuye ekhaya ngoba lapho akade ethole khona istand sakhe sokuthi ayakhele abantwana bakhe kuse Ntabazinduna phansi kukasisi omdala lapho okulo muzi kaSisi Omdala kodwa kasenelisanga. Thina besifisa ukuthi ngabe kuyavuma nxa kutholakale imali akhele unkosikazi wakhe umuzi angcine abantwabanke bendawonye.

Umuyi ukhanya ebengumuntu othandekayo, umalume wakhe uMnu Stanley Ndlovu uchaza kabanzi ngaye lohlelo lokuzombeka ekhaya.

"Umfana lo ubezisebenzela engu garden boy khona ngangele e SouthAfrica. That little everytime and then ubethumezela abantwabakhe. Makusenzakala bazafika lapha emini ngoLwesihlanu sokusiya ngokuthi bahambe njani endleleni."

Uyaphambili echaza ngohlelo lokungcwatshwa kukamuyi ngomgqibelo.

"The following day, silabafundisi bama Church atshiyeneyo abafike lathi bezokhulumisana lathi ukuthi sibe sonkeni basincedise lapha lalaphana, ukuthi indawo yokubeka ingaphi besingakayi confirm kodwa kulapha koBulawayo."

Kusenjalo obona ngezokuqoqa uzulu kunhlanganiso yebandla le Citizens Coalition for Change CCC esabelweni seMatabeleland South uNkosazana Nonhlanhla Mlotshwa ududuza abakoNyathi.

"Sizokhalela umfowethu uElvis owako Nyathi. UElvis ngimkhalela nje ngoba ngile bias ngoba ngivele ngingowe Mat South and uElvis ngowe Kezi kithi uzalwa eMahetshe and sizalwa sonke. Ngibuhlungu ngokufa kuka Elvis sibuhlungu singabantu sibuhlungu silibandla ukuthi abafowethu njalo sebephelile eSouth Africa."

UMnu Elvis Nyathi wabulawa yizidlova kwele South Africa, bembulalela ukuthi ngowase Zimbabwe bemethesa icala lokuthi kalangwalo zokuhlala kulelo. Umuyi uElvis ukhangelelwe ukungcwatshwa koBulawayo ngomgqibelo.

please wait

No media source currently available

0:00 0:03:06 0:00

Facebook Forum

XS
SM
MD
LG