Abahlela ezombusazwe bekunhlanganiso yeZimbabwe Democracy Institute bathi kalikhuphuki inani labavotela amabandla abusayo nxa kuqathaniswa labavotela ibandla leZanu PF.
Uphenyo olusanda kwenziwa yinhlanganiso le luveza ukuba bayingcosana abavotele ibandla leCitizens Coalition for Change, elinqobe kukhetho lwama by-elections olwenziwe mhlaka 26 Mbimbitho, lobanje ibandla leli lenze kahle endaweni ezitshiyeneyo.
Uphenyo lolu luveza njalo ukuba banengi abavotele ibandla leZanu PF endaweni elinqobe khona.
Kutshoni lokhu ngesikhathi kulungiselelwa ukhetho oluzakwenziwa ngomnyaka ozayo?
Ukuze sihlaziye udaba lolu, uGibbs Dube uxoxe loMnu. Nhlanhla Moses Ncube, okunhlanganiso yeFreedom Alliance, loMnu, Bernard Bhekilizwe Ndlovu, ingcwethi kwezombusazwe ezimeleyo.