amalinks wokungena

Breaking News

Uzulu weZimbabwe Upha Imibono Ehlukeneyo Ngokunanzwa Kosuku Lukazibuse


Members of the Zimbabwe National Army rehearsing for Independence Day celebrations.

Ingcitshi ezicubungula ezombusazwe zithi inhlupho ezibhekane leZimbabwe ziveza ukuba loba nje ilizwe lathola uzibuse akula zithelo zalokhu kuzibusa okungajabulelwa nguzulu waleli lizwe.

Uzulu weZimbabwe wamukela ngemizwa ehlukeneyo umkhosi wokuthakazalela usuku olunanzwa khona uzibuse welizwe, olweIndependence Day, lonyaka owenzelwa ko Bulawayo okwakuqala embalini yelizwe lokhe latholayo inkululeko embusweni wabamhlophe ngomnyaka ka1980.

Lokhu kuza ngesikhathi ele Zimbabwe lilungiselela umbuthano wokunanza usuku lukazibuse luka mhlaka 18 Mabasa, ozakwenzelwa koBulawayo, lapho uMongameli Emmerson Mnangagwa azabe ekhona.

Ingcitshi ezicubungula ezombusazwe zithi inhlupho ezibhekane leZimbabwe ziveza ukuba loba nje ilizwe lathola uzibuse akula zithelo zalokhu kuzibusa okungajabulelwa nguzulu waleli lizwe.

Omunye walezi ngcwethi nguMnu Nkosana Dlamini othi lobanje ele Zimbabwe lathola uzibuse imithetho eyayisetshenziswa nguhulumende wabahuquluzi benotho lokhe ikhona.

“Mina ngibona kulezizatho ezinengi ukuthi silwele uzibusi. Izinto ezalwela uzibuse azikagcwaliseki. Ungananzelele okwanzelel uhulumebnde uqhubeka ngezenzo zika Smith. Inengi labantu liyalamba. Abantu bayadubeka”

Lokhu kusekelwe yisikhulumeli se bandla le ZAPU uMnu Msombuluko Ndlovu othi inkululeko eyalwela nguzulu kayifezwanga.

“Iqiniso okumele kunanzelelwe ngabantu, uzibuse samlwela njenge ZAPU. Kuhlanganisa Izpra. Uzibuse kazibuse ka 1980 lozibuse ka 1980 kakusafana, uzibuse ukhona kodwa abantu kabakhululekanga.”

Uqhubeke esithi ibandla lakhe lizaqhubeka lilwela inkululeko yelizwe uqobo ukuze abantu bonke baphile impilo engcono.

Kodwa okhokhela ibandla elibusayo kugatsha lwabatsha lwe ZANU PF youth League uMnu Munashe Mtutsa uthi kumele uzuahloniphe ilanga leli ngokucabanag imisebenzi eyenziwa yilabo abalwela inkululeko.

“Ilanga leli liqakatheke kakhulu kwele Zimbabwe ngoba lisikhumbuza isibindi esaba khona ebantwini abasakhulayo iZimbabwe ingakabi yi Zimbabwe, baqinisela bahamba empini belwela inkululeko yelizwe”

Ele Zimbabwe lathola uzibuse ngo mnyaka ka 1980, ngemva kweminyaka eminengi izizalwane ezaphuma phandle kwelizwe ukuyafundela ezebutho zalwisana lombuso wabahuquluzi benotho ilizwe lathola uzibuse.

Ingcwethi zezenotho zithi abantu abanengi ngo 1980 babethemba ukuba umbuso wabensudu wawozakuba ngcono kulalowo owabahuquluzi ababelobandlululo. Kodwa konke lokhu ngemva kweminyaka engamatshumi amane lambili-42, lokhu kungakafezeki.

Facebook Forum

XS
SM
MD
LG