amalinks wokungena

Breaking News

Inhloko Zendaba Mabasa 18, 2022


Inhloko ZeNdaba

*** Bekungabizwa ozwayo lamhlanje emagumeni lapho iZimbabwe ebinanza ilanga likazibuse, eleIndependence Day. Kulabantu abehluleke ukungena enkundleni eyeBabourfields koBulawayo bacina belalela uMongameli Emerson Mnangagwa bephandle bebukele kumabonakude okudanise inengi bethi akubaphathanga kuhle.

*** Uzulu wehlukana ngemibono phezu kwenyathela lokuphatheka kwenkokheli ye Citizens Coalition for Change - CCC, emikhosini yokunanza uzibuse,abanye besithi kuyinto elungileyo eyenziwe ngumnumzana Nelson Chamisa kulabanye abathi yikuphosisa.

*** Ngesikhathi ilizwe linanza iminyaka engamatshumi amane lambili lizibusa abanye abeZimbabwe asebehlala kweleBotswana bathi abasiboni isizatho sokujabula lapho bebanjwe ngamandla yisimo esilukhuni somnotho ukuthi bachaphe imngcele bayedinga okokuziphilisa emazweni angomakhelwane laphetsheya kolwandle.

*** Ngesikhathi ele Zimbabwe linanza iminyaka engamatshumi amane lambili selokhe lathola uzibuse, ingcwethi zezempilakahle zikhuthaza ukuthuthukiswa komsebenzi wezempilakahle elizweni ukuze ungabi kusimo esibi esikhona okwamanje ezibhedlela zikahulumende.

***KuLivetalk sikhangela udaba lokunanzwa kosuku lukazibuse olweIndependence Day okwenzelwe ko Bulawayo okwakuqala lokhe ilizwe latholayo uzibuse ukuthi kungabe kusitshoni lokhu.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG