amalinks wokungena

Breaking News

Nhlanhla Lux: Amalunga Enhlanganiso yeOperation Dudula Adutshulwe Ngama AK47 eKliptown Ngabadabuka eZimbabwe Lama Suthu


UNhlanhla Lux uthi abanye bakhe bahlaselwe ngabantu abadabuka eZimbabwe kanye labohlobo lweSiSutho eKliptown.
UNhlanhla Lux uthi abanye bakhe bahlaselwe ngabantu abadabuka eZimbabwe kanye labohlobo lweSiSutho eKliptown.

UMnu. Nhlanhla Lux Dlamini, okhokhela inhlanganiso ezonda abantu bokuza eyeOperation Dudula, uthi abanye bakhe badutshulwe ngoMvulo ngabadabuka eZimbabwe llabohlobo lweSiSuthu eKliptown.

UDlamini, owethule lokhu enkundleni yokuxhumana eyeTwitter, uthi abacasthangelwa ukuba badabuka eZimbabwe labohlobo lweSisutho babadubule ngemibhobho efana lama AK47 lama R5s ngesikhathi bedinga amasela.

Uthe bebedinga abatshontsha intambo zikagetsi eKliptown okuthiwa zwebiwa ngabanye abantu abacatshangelwa ukuba ngabokuza.

Kasenelisanga ukukhuluma lamapholisa ngodaba lolu.

Iphephandaba leSowetan libika ukuba kulomuntu oyedwa odutshulwe wabhubha kuleyondawo kwathi abambalwa balimala.

Iphephandaba leli libika ukuba abanye babo bahanjiswe esibhedlala belamanxeba atshiyeneyo.

Kusanda kubulawa odabuka eZimbabwe, uElvis Nyathi, owagangadwa watshiswa eDiepsloot yizizalwane zakwele South Africa ezazidinga amasela.

UNyathi, owayesebenza ezindlini zabantu eJohannesburg, ungcwatshwe ngempelaviki eZimbabwe.

‚Äč
XS
SM
MD
LG