amalinks wokungena

Breaking News

Inhloko ZeNdaba Mabasa 20, 2022


Inhloko ZeNdaba

*** Inhlanganiso ebona ngemisebenzi yokukhuthaza ukuhlelwa kuhle kwemuli eye Zimbabwe National Family Planning Council, isungule umkhankaso wokuphathisa abasifazane indlela zokuhlela imuli kungela mbhadalo. Phansi kwalolu hlelo omama balakho ukuhlolwa njalo igcikwane lengculaza ele HIV kanye lemikhuhlane yengulamakwa. Uhlelo lolu luqale izolo mhlaka 19 Mabasa luphela mhlaka 22 Mabasa.

*** Ingcwethi kwezomumo womkhathi lezokulima zithi izulu elilokhe lisina elizweni, selizaphazamisa isivuno salonyaka, ikakhulu esomumbu.

*** Inhlanganiso yabaphila ngokuthengisa ezitaladeni kweleBotswana ithi abomthetho kumele baqale ukususa abantu bokuza abakule bhizimusi yona okumele ibekelwe izizalwane zalelo lizwe kuphela. Kulenengi labeZimbabwe abaphila ngokuthengisa okutshiyeneyo ikakhulu emadolobheni afana leGaborone leFrancistown.

*** Kuhlelo lwezizalwane zeZimbabwe ezihlala kwamanye amazwe namuhla sixoxa loMnu. Maxwell Nkawu, ohlala kwele Bhilithane. UNkawu usebenza kwezempilakahle njalo ungumbalisi.

***KuLivetalk namhlanje kuhlelo Diaspora Forum, siqhubeka sikhangela umumo wokuhlukuluzwa kwabokuza kwele South Africa inengi labo kungabe Zimbabwe kuthi abasakhulayo basibona njani isimo esiselizweni lapho lonyaka ele Zimbabwe linanza iminyaka engamatshumi amane lambili lathola uzibuse embusweni wabahuquluzi benotho wabamhlophe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG