Ibhanga lesizwe ele Reserve Bank of Zimbabwe, selimise ukusebenza kwebhanga le MetBank logutsha lokuthumezela abanye imali olwenkampani ye Simbisa Brands, olwe Innbucks, lwetheswa icala lokwephula umthetho wokusetshenziswa kwemali yaphandle kwelizwe.
Inkampani ye Simbisa Brands yiyo elemvumo yokwenza amabhizimusi ePizza Inn, Chicken Inn, Nandos, Steers lamanye amankampani athengisa ukudla okuphekiweyo, ama Restaurant.
Lokhu kwenzakala isisindo sedola leZimbabwe siqhubeka sisiwa ngamandla.
Uhulumende uthi kulamankampani athola idola leMelika ngesilinganiso esisemthethweni esiphansi kakhulu kulesensitha, abesethengisa impahla esebenzisa isilinganiso sesisindo somkambo wensitha.
Ukuhlaziya loludaba sixoxe lesikhulumeli senhlanganiso elwela ilungelo labathengi, eye Consumer Rights Association, uMnu. Effie Dlela Ncube.
Facebook Forum