amalinks wokungena

Breaking News

Inhloko ZeNdaba Mabasa 22, 2022


Inhloko ZeNdaba

*** Uhulumende usesungule uhlelo lokulungisa imigwaqo yakoBulawayo, okungumsebenzi olendleko yezigidi ezedlula amakhulu ayisikhombisa lengenye-$768 million. Lolu hlelo ngelokusebenzelana kwekhansili yaleli dolobho logatsha lukahulumende olubona ngokuthwalwa kwabantu lempahla olwe Ministry of Transport and lnfrastructure Development.

Uhlelo lokubalwa kwabantu olusungulwe izolo luyaqhubeka namuhla elizweni lapho inhlanganiso ezizimeleyo zikhuthaza ukuthi impumela yabo ibe ngeqotho engasoze ibangele ukuncitshwa kwezinye izigaba zelizwe amathuba entuthuko alingana lezinye. Idolobho lakoBulawayo lande ukuphikisa impumela le lisithi inani labantu liphezulu kulalelo elande ukuphuma kuloluhlelo.

*** Ezinye inhlanganiso ezizimeleyo kanye lengcwethi ezicubungula ezombusazwe zithi ibandla leZANU PF lilakho ukunqoba kukhetho oluzayo lingaqhubeka lithola amanani aphezulu ezigabeni lapho elilosekelo khona.

*** Kwezemidlalo……….Umqeqetshi weqembu lomdlalo wenguqu eleHighlanders uMandla Mpofu uthi iqembu lakhe alingeke linqotshwe ngamanye nxa lingadlala ngendlela elidlale ngayo ngosuku lokuthakazelela uzibuse lapho elinqobe khona ele Dynamos laphakamisa inkezo ye Independence.

*** KuWoza Friday liviki silomculi opheka njalo acule umdumo weHouse lengoma zokholo, uSimbarashe Kodzai, owazakala ngegama lakhe lokucula elithi Afro Wave aka K.O.D.

***KuLivetalk namhlanje sikhangela okwenzakala eZimbabwe okugoqela uhlelo lokubalwa kwabantu olweCensus, ukukhuphu kwentengo yesinkwa lokunye.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG