amalinks wokungena

Breaking News

Sokudutshulwe Abantu Ababili Bafa eDiepsloot Okwabulawa uElvis Nyathi Yizizalwane Zakwele South Africa


Diepsloot Community Hall. South Africa

Amakhansila amabili eDiepsloot kwele South Africa athi abokuza kayisibo abadubule babulala abantu ababili bafa ngoLwesihlanu kusihlwa elokitshini leli okwabulawa odabuka eZimbabwe yizizalwane zakulelolizwe.

Ukhansila Julius Maake (Ward 95) loKhansila Abraham Mabuke (Ward 113) bethule umbiko othi bayaziwa abadubule abantu abathathu elokitshini leli ngakho-ke kumele kuvezwe masinya lokhu ukwenzela ukuba abokuza bengetheswa umlandu wokubulala ababili laba.

Amakhansila la athi owesithathu odutshulwe laye ezihlalele phandle komkhukhu wakhe uhanjiswe esibhedlela elamanxeba alakho ukumbulala.

Bathi amapholisa aselonda udaba lolu ngakho-ke abacatshangelwa ukuba badubule abantu laba balakho ukubotshwa kusikhatshana esilandelayo.

Inkampani yezindaba eye-eNCA ibika ukuba amapholisa athi abonile okwenzakale kuleyondawo.

Kusanda kubulawa uNyathi, odabuka eZimbabwe, obehlala eDiepsloot lekhosikazi lakhe uNomusa Tshuma.

UNyathi wathunjwa ngabathi babedinga amasela, bamgangada ngensimbi lokunye, bamthela ipetulo, bamgaxa amathaya emota basebetshisa ephila.

Facebook Forum

XS
SM
MD
LG