Ngitshayela Umngane Wami uMacron Ihlombe Ngokunqoba Kukhetho, Kutsho uMnangagwa

WASHINGTON - UMongameli Emmerson Mnangagwa wenzele usowabo weleFrance uMnu Emmanuel Macron amhlophe kulandela ukunqoba kwakhe kukhetho olwenziwe izolo.

UMacron unqobe ngemiklomelo engamatshumi amahlanu lasitshiyangalombili ekhulwini, 58 percent, kwakhi obencintisana laye uNkosikazi Marine Le Pen wathola engamatshumi amane lanye, 41 percent.

Kumbiko awethule enkundleni yeTwitter, uMnangagwa uchaze uMacron njengomngane wakhe. Uthe njalo ubona kulokukhazimula kubudlelwano beZimbabwe leFrance.

Kodwa ingcwethi kwezombusazwe uMnu Effie Dlela Ncube utshele iStudio 7 ukuthi kaboni eleFrance livuselele ubudlelwano balo leZimbabwe ngoba uhulumende kaMnangagwa elokhe esephula amalungelo kazulu.

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:53 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Khepha ilunga leZanu PF uMnu Believe Gaule uthe izenzo zeFrance ziveza sobala ukuthi lelolizwe lizimisele ukudlelana leZimbabwe kuhle.

Embed share

Ingxoxo loMnu Believe Gaule

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:19 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Kusenjalo, uMongameli weMelika uMnu Joe Biden laye utshayele uMacron ihlombe esithi ukhangelele ukuqhubeka exhasana laye kunhlelo zokusekela eleUkraine, lona eliphakathi kokuhlaselwa ngeleRussia, ukuvikela umbuso okhululekileyo emhlabeni kanye lokulwisana lokuguquka komkhathi.