amalinks wokungena

Breaking News

Inhloko ZeNdaba Mabasa 25, 2022


Inhloko ZeNdaba

Endabeni zethu lamhlanje ……………..

*** Umbukiso omkhulu wabosomabhizimusi owe Zimbabwe International Trade Fair walonyaka, uyaqala kusasa koBulawayo. Sokubhalise osomabhizimusi abedlula amakhulu amahlanu abayabe bebukisa, kubika umgcinisihlalo wenkampani yeZITF, uMnu Busisa Moyo. Umphathintambo wakoBulawayo uNkosikazi Judith Ncube uthi idolobho lamukela wonke umuntu oza kuloumbukiso ngezandla zombili, kuthi abahlaziya ezomnotho bathi kuzaletha ibhizimusi kulelidolobho lezweni jikelele.

*** Abatsha baseZimbabwe, babikwa sebekhokhela ekusabalaliseni ulwazi lokucebisana ukwenqabela inkinga abahlangana lazo empilweni, zokungahlaliseki enqondweni, osokudala imikhuhlane yenqondo okuyisimo esengezelelwe yikuhlala ezindlini phansi kweziqondiso zeCovid 19 Lockdown.

*** Inhlanganiso yeOperation Dudula, efuna abantu bokuza bephume bephele kwele South Africa, isingene lakulabo abathwala ukudla endaweni zokudlela – amarestuarants - bekuhambisa kulabo abathenga ebulenjini beInternet. Lokhu kwenzekala ngesikhathi izizalwane zakwele South Africa zisithi sezikhathele ngabantu bokuza abathatha imisebenzi eminengi njalo abathengisa izidakamizwa lokunye.

***Bakhala ngokuhlukumezwa abalandeli beqembu le Highlanders ngoMgqibelo edolobheni lase Zvishavane.

*** KuLiveTalk namhlanje sikhangela okwenzakala koBulawayo ekuqaliseni kombukiso wezokuthengiselana oweZimbabwe International Trade Fair-ZITF.

Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Facebook Forum

XS
SM
MD
LG