amalinks wokungena

Breaking News

Abaqhuba Umkhankaso weOperation Dudula Sebengena Kwabathwala Ukudla Okuthengwa Ebulenjini beInternet


Umkhokheli womkhankaso weOperation Dudula, uMnu. Nhlanhla Lux Dlamini.
Umkhokheli womkhankaso weOperation Dudula, uMnu. Nhlanhla Lux Dlamini.

Inhlanganiso yeOperation Dudula, efuna abantu bokuza bephume bephele kwele South Africa, isingene lakulabo abathwala ukudla endaweni zokudlela – amarestuarants - bekuhambisa kulabo abathenga ebulenjini beInternet.

Lokhu kwenzekala izizalwane zakwele South Africa zisithi sezikhathele ngabantu bokuza abathatha imisebenzi eminengi njalo abathengisa izidakamizwa lokunye.

UMnu. Nhlanhla Lux Dlamini, okhokhela umkhankaso lo, ngoMvulo wethule umbiko enkundleni yokuxhumana eyeTwitter esithi sesifikile isikhathi sokuthi izizalwane zakwele South Africa zithathe imisebenzi yalabo abathwala ukudla okuthengwa ebulenjini beInternt bekuhambisa ezindlini lemisebenzini.

UDlamini uthi inhlanganiso yakhe isihluthuna iisebenzi eminengi njengoba kukhanya engani uhulumende kafisi ukungenela kudaba lolu.

UMnu. Teboho Sikhondo, isizalwane sakwele South Africa, esisekela okwenziwa yinhlanganiso yeOperation Dudula, uthi abantu bokuza benza okungaqondanga elizweni leli.

Kodwa uthi kubi okwenziwa ngabanye abadabuka kwele South Africa ababulala uElvis Nyathi eDiepsloot.

Lokhu kusekelwa nguNkosazana Nonkululeko Sithole, isizalwane sakwele South Africa esihlala eCapetown, othi kumele abadabuka eZimbabwe bebuyele ekhaya ngoba bayamotsha emphakathini.

Odabuke eZimbabwe, uNkosazana Hlanjiwe Sithole, uthi eleSouth Africa selibhidlika okwamanje.

UNkosazana Sithole uyakhala ngokubulawa kwabantu bokuza abenza imisebenzi ephansi.

Kulabanye abadabuka eZimbabwe abethuswe ngumkhankaso weOperation Dudula asebebuyela ekhaya.

XS
SM
MD
LG