amalinks wokungena

Breaking News

Inkantolo Ithi Uhulumende Kumele Ehlawule Umbalisi Owabotshwa Wanqunulwa Ngamapholisa


Abenhlanganiso yababalisi eyeAmalagamated Rural Teachers Union of Zimbabwe-ARTUZ.

WASHINGTON - Umthethwandaba usulaye abaphathintambo bakahulumende ukuthi bahlawule isiphathamandla senhlanganiso yababalisi bemaphandleni, iARTUZ, uMnu Munyaradzi Masiyiwa, iZW$200,000 kulandela ukubotshwa lokutshaywa kwakhe ngamapholisa ngomnyaka ka2019.

Abaphathintambo laba babalisa owendaba zasekhaya uMnu Kazembe Kazembe, owezemithetho uMnu Ziyambi Ziyambi losikomitshi wamapholisa uMnu Godwin Matanga.

Umantshi uNkosikazi Victoria Mashamba unqume izolo ukuthi abathathu laba kanye losikomitshi wamajele uMnu Moses Chihobvu, kumele bahlawule uMasiyiwa ngoba wabotshwa njalo wahlukuluzwa ngaphandle komthetho.

Inhlanganiso yamagqwetha amela uMasiyiwa, iZimbabwe Lawyers for Human Rights, ithi wabotshwa watshaywa njalo wanqunulwa ngamapholisa emethesa icala lokudala udlakela.

Ithi njalo uMasiyiwa wayemsulwa. Linhlanganiso ithi amapholisa ahlukuluza uMusk ngokumtshaya lokumnqunula embamba ngamandla ukuthi enze sengathi uya emacansini lemota.

Facebook Forum

XS
SM
MD
LG