Izakhamizi zeBinga zithi uhlelo lokubhalisela ukuvota aluhambi ngemfanelo ngoba iziphathamandla zekhomisheni yokhetho, eye ZEC, zifika khatshana lemizi yazo.
Isigaba se Binga ngesinye ibandla le Zanu PF lasebenza gadalala ukuthi lisithole kukhetho lwedluleyo kodwa kwehlula.
Kungaselani lalokhu uhulumende uqhubekela phambili ngokwethulela iBinga inhlelo ayezithembisile ngesikhathi somkhankaso wokhetho.
Lokhu kubangele abanye ukuthi bathi ibandal le Zanu PF lisifunile sibili lesi sihlalo.
Omela iBinga South edale lephalamende, uMnu. Joel Gabhuza utshele iStudio Seven ukuthi abanye abafuna ukubhalisela batshelwa ukuthi imitshina ayisebenzi.
