Bayakhala eZimbabwe kulandela ukutshona kukasomahlaya olodumo, uClive Chigubhu, obelesifo semvukuzane.
Umdeni kaClive uthi usomahlaya lo ubhubhe namuhla koBulawayo kulandela ukugula kwakhe okwesikhatshana. UClive ngumuntu obekwazi ukwethulela uzulu akucabangayo.
Uyakhala uMothusi Bashimane Ndlovu, owaziwa ngegama lokusoma elithi Madlela Sikhobokhobo.
Uyakhala loObert Dube, usomahlaya olezicoco ezimbalwa, othi uClive ubekwazi ukukhuluma emphakathinni.
Umculi olodumo, uNomathamsanqa Nkwali Mkhwananzi, uthi ubone uClive esebuhlungwini ngakho-ke uphumule.
Uthi kumele uhulumende ancede abantu abaswelayo ukuze belatshwe kuseselesikhathi sokuphepha kumkhuhlane.
UThankeka Ncube, olenkampani yeEvents with Thandi, udabukile ngokutshona kuka Clive.
UThandi Dlana laye uthi okwephula umoya yikuthi abantu behlulekile ukunceda uClive ngenxa yokuswela imali.
Isakhamuzi sakoBulawayo, uGrace Mudzova, laye umadolonzima. UClive ubeselesikhatshana elingisa eZimbabwe lakwamanye amazwe.