UBiden Ufuna Iphalamende yeMelika Iphe eleUkraine iUS$33 Billion Yokuliphathisa Empini Yalo leleRussia

WASHINGTON DC - UMongameli weMelika uMnu Joe Biden izolo ucele iphalamende yelizwe lakhe, iCongress, ukuthi ipasise isikhwama semali engangeUS$33 billion ezaphathisa eleUkraine ngezikhali zokulwisana leleRussia.

Enye yalimali izasetshenziswa kunhlelo zokuqinisa umnotho kuthi enye isetshenziswa ukunakelela uzulu othwele gadalala ngalimpi.

Ekhuluma ngemva kokusayina isicelo lesi, uMongameli Biden uthe kuqakathekile ukuthi iMelika iphathise eleUkraine ukulwela inkululeko yalo.

UMongameli weUkraine uMnu Volodymyr Zelenskyy ubonge uBiden ngenyathelo leli, wakhuthaza iphalamende yeMelika, ukuthi ipasise limali ngokutshetsha ukuze labo bayithole masinyane.

Kodwa umbuzo omkhulu ngothi iphalamende izavumelana yini kulokhu njengoba amaDemocrats lamaRepublicans kulelidale ehlala edonselana nje okungapheliyo.

Ohlaziya ezombusazwe uMnu Tim Muringai utshele iStudio 7 ukuthi okwehlukanisa amabandla womabili esikhathini esinengi zindaba zasekhaya. Ngakho, uthi ubona iCongress iyipasisa imali yeUkraine le.

Embed share

Ingxoxo loMnu Tim Muringai

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:07:09 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala