amalinks wokungena

Breaking News

Inhloko ZeNdaba Nkwenkwezi 02, 2022


Inhloko ZeNdaba

Endabeni zethu lamhlanje ……………..

*** Abenhlanganiso elwela amalungelo eNtathelizindaba, eye of Southern Africa- Misa Zimbabwe namhlanje bamanyene labohlangothi lwezemfundo enhlanganisweni yomanyano wamazwe womhlaba olweUnited Nations Educational Science and Cultural Organisation -UNESCO kanye labakuhulumende emkhosini wokunanza ilanga lentathelizindaba, eleWorld Press Freedom Day owenzelwe koBulawayo.

*** Izikolo ziyavulwa kusasa ngesikhathi abazali bekhala ngokuqonga kwembadalo yama school fees lenye indingeko yezikolo.

Amalunga ambalwa awedale leU.S. House of Representatives, agoqela umkhokheli walo uNkosikazi Nancy Pelosi, akwele Poland lapho axoxisana khona leziphathamandla zelizwe ngokungenziwa kwele Ukraine okulempi eyesabekayo eyaqalwa ngeleRussia ngoNhlolanja lonyaka.

*** Umfelokazi wesizalwane seZimbabwe esabulawelwa kwele South Africa, uNkosikazi Nomusa Tshuma, uthi amapholisa athi kumele aphenduke eJohannesburg, enkambeni yabo, lapho okumele atshengiswe abantu abafika phose amatshumi amathathu, abacatshangelwa ukuba babulala umkakhe uElvis Nyathi.

***Selikhokhela ngemiklomelo emibili phezu kwengalane yemiklomelo esigabeni saphezulu ese Castle Lager Premier Soccer League iqembu lomdlalo wenguqu ele Dynamos..

*** Kulivetalk namhlanje sikhangela udaba lokusebenza kwentathelizindaba zikhululekile ngaphambilini kokunanzwa kwelanga labo ele World Press Freedom Day, kusasa mhlaka 3 Nkwenkwezi.

Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Facebook Forum

XS
SM
MD
LG