amalinks wokungena

Breaking News

UPelosi Labanye Bakhe Baxoxisana Lenkokheli Yakwele Poland Ngempi Eyesabekayo Ekwele Ukraine


UNkosikazi Nancy Pelosi uxoxa leziphathamandla zakwele Poland, May 1, 2022 VOA

Amalunga ambalwa awedale leU.S. House of Representatives, agoqela umkhokheli walo uNkosikazi Nancy Pelosi, akwele Poland ngoMvulo lapho axoxisana khona leziphathamandla zelizwe ngokungenziwa kwele Ukraine, okulempi eyesabekayo eyaqalwa ngeleRussia ngoNhlolanja lonyaka.

UPelosi labanye bakhe bakhangelelwe ukuba bazalungisela eleUkraine imali efika amabhiliyoni angamashumi amathathu – $33 billion oyokudingela ilizwe leli izikhali zokulwisana lele Russia, ukunceda iziphepheli lokunye.

Basanda kwethekelela eleUkraine lapho abakhulumisane khona loMongameli Volodymyr Zelenskiy ngokungenziwa ukuba kunqotshwe ibutho lakwele Russia, elihlasela ngamandla endaweni ezitshiyeneyo ezigoqela idolobho leMariupol lapho eselibhidlize izakhiwo phose zonke laminyezela ibutho labantu abanengi kufekithali yokulungisa insimbi.

Inhlanganiso ezimeleyo eyeUnited Nations itshele iReuters ukuba kulabantu abafka phose ikhulu ababahlenge kuleyondawo bebambisana lenhlanganiso yeRed Cross.

Okwamanje abantu abedlula izigidi ezilitshumi lambili – 12 million sebebalekile emizini yabo kwele Ukraine njalo abanye sebebulewe libutho lakwele Russia.

IAssociated Press ibika ukuba abantu abangafika amakhulu amabili – 19,000 sebebulawe libutho lakwele Russia eMariupol kuphela. Banengi njalo asebebulewe kwamanye amadolobho bajikelwa emagodini amakhulu – ama-mass graves.

Ukuze sihlaziye udaba lolu, sixoxe loMnu, Ngqabutho Mabhena, unobhala jikelele webandla leZimbabwe Communist Party, othi kumele inhlanganiso yeNorth Atlantic Treaty Organization itshiyane lodaba lweUkraine.

Facebook Forum

XS
SM
MD
LG