amalinks wokungena

Breaking News

Abazali Bathi Bajabule Ukuthi Izikolo Zivuliwe Kungela Zikhubeko Ebesezivame Ukuba Khona


Abantwana izikolo zivulwa

Ukuvulwa kwezikolo kutshiye abazali abanengi bekhala ngokuthi intengo yezinto ezimqoka iqonge kakhulu abebengaku khangelelanga kodwa bejabuliswa yikuthi zivuliwe kungela nkinga ebesezivame ukuba khona ngalesi sikhathi.


Izikolo zivuliwe namhlanje phakathi kobunzima bokukhuphuka kwendleko zezikolo kodwa inengi lijabule ukuthi izikolo zivulwe ngesikhathi esasihleliwe. Laloba kunjalo abathengisa ezitaladeni bayajabula ngoba abazali begijimela ukuthenga kibo.

Ukuvulwa kwezikolo kutshiye abazali abanengi bekhala ngokuthi intengo yezinto ezimqoka iqonge kakhulu abebengaku khangelelanga kodwa bejabuliswa yikuthi zivuliwe kungela nkinga ebesezivame ukuba khona ngalesi sikhathi.

Unkosikazi Sanele Mathuthu omunye wabazali uthi ukuvulwa kwezikolo lokhu kube lomehluko kibo ngemva kwesikhathi eside.
"Ukuvulwa kwezikolo namuhla kithi kusiphe ukuthaba okukhulu ngoba besesingasakwazi ukuthi ukuthi kuzabuye kulunge nxa izikolo zivulwa ababalisi bebengabonakali amagedi evaliwe khathesi namuhla kubelomehluko ababalisi bebekhona abantwana basala esikolo baze batshayisa ngesikhathi esifaneleyo.”

Unkosikazi Sheena Ncube ongumzali yena ukhala ngokuthi izinto ezifunekayo nxa abantwana bebuyela ezikolo ziya zisiba zinengi kakhulu.

“I holiday ibimfitshane izimali azikho azihlangani izinto zikhwelile kakhulu letransport yokubisela abantwana ezikolo kulobunzima sithwele nzima njengabazali akuvumi ukuthi abantwana laba bahlale khathesi nxa bevula izikolo bahle bafaka ama message okuthi bafuna ireceipt phambili umtwana emuva kulobunzima ungacabanga lomphako lezinto zikhwelile amakhanda ayaduma.”

Unkosikazi Lethubuhle Singo omunye wabazali uthi ithemu leli liqale kubi ngoba ikhefu belilifitshane.

“Ithemu leli lisiqalele kubi kakhulu ngoba inengi labantu lingakaholi okwenza kubenzima ukulungiselela abantwana njalo into yonke ikhwelile okumangalisayo. Okunye engikunanzelelayo esesikufela yiTrade fair ebikhona ngoba kwezinye izikolo sekufuneka ifees phambili ikanti kithi kunzima ngoba singelayo khathesi imali abantwana abayanga letrade fair ngobunzima obukhona.”

Umnunzana Taungana Ndoro isikhulumeli sogatsha lwezemfundo uthi izikolo zivuliwe kuhle lamalungiselelo okuvikela aweCovid 19 asehleliwe.

“Izikolo zivulwe kuhle kakhulu akukabi lohlupho okwaleliterm. Abafundi bakhona ngobunengi babo,wonke amalungiselelo okuvikela ubhubhane lweCovid 19 seyenziwe kuzikolo, konke kuhamba kuhle,imfundo iqhubekela phambili.”

Ngeviki ephelileyo umphathintambo wezokwethulwa kwemibiko uNkosikazi Monica Mutsvanga wethula umbiko kumhlangano weCabinet ethi ilizwe leZimbabwe selilamanani aphansi awabantu ababanjwa yiCovid 19 ngemva kokulandela iziqondiso abezempilakahle lohulumende ukuthi izikolo zivulwe kuhle njalo ngesikhathi. Wathi njalo izikolo zikahulumende sezizaqala ukuvumela abafundi ukuthi bafunde nsuku zonke.

Udaba lokuvulwa kwezikolo siluphiwa nguBathabile Masuku
please wait

No media source currently available

0:00 0:04:30 0:00

Facebook Forum

XS
SM
MD
LG