amalinks wokungena

Breaking News

IZimbabwe Imanyana Lamazwe Womhlaba Ukunanza iWPFD, Intathelizindaba Zikhala Ngokuthi Lokhu Zingasebenzi Zikhululekile


Deputy Minister of Information, Kindness Paradza

Umsekeli kaMphathintambo wezokwethulwa kwemibiko uMnu Kindness Paradza utshele umkhosi weWPFD, ukuba baphakathi kokuguqula umthetho ozakwenza ukuba osomabhizimusi bakwamanye amazwe benelise ukuzotshala imali kumankampani emisakazo eZimbabwe, ngesilinganiso sokungamatshumi amane ekhulwini-40%.

Uhulumende weZimbabwe umanyene lenhlanganiso ezilwela amalungelo entathelizindaba, emkhosini wokunanza umsebenzi wentathelizindaba emhlabeni jikelele, ngelanga eleWorld Press Freedom Day .

Umsekeli kaMphathintambo wezokwethulwa kwezemibiko uMnu Kindness Paradza uthi baphakathi kokuguqula umthetho ozakwenza ukuba osomabhizimusi bakwamanye amazwe benelise ukuzotshala imali kumankampani emisakazo eZimbabwe, ngesilinganiso sokungamatshumi amane ekhulwini-40%. Utsho lokhu emazwini awethule emkhosini wokunanza iWPFD, owenzelwe ekolitshini eleNational University of Science and Technology, koBulawayo NgoLwesibili.

“Ngilazisile ekuqaleni ukuthi mina ngavalelwa iphephandaba lami leTribune intathelizindaba zakahlekelwa ngumsebebzi lami ngaxotshwa kubandla keZanu ngenxa yomthetho weAippa njalo ngangixotshelwa ukuthi uhulumende kafuni abakwamanye amazwe bazoqala imisakazo kuleli kodwake uhulumende okhona uzalungisa umthetho weBroadcasting Services Act lapho esizavumelakhona ukuba abazotshala imali kwezemisakazo batshale okungamatshumi amane ekhulwini ukuze ilizwe livuke.”

UMsekeli kamphathintambo obona ngezebulenjini uMnu Dingimuzi Phuthi uthi kuqakathekile ukuba intathelizindaba zisebenze zikhululekile.

“Siyalithakazelela ilanga leWPFD ngoba sifunde okunengi njalo kuqakathekile ukuba intathelizindaba zisebenze ebulenjini lemitshina yakulezi insuku bekhululekile hatshi okwenzakala manje.”

UMbalisi wekolitshnii leNust uDokotela Mphathisi Ndlovu uchasisa ngokuqakatheka kwelanga lanamhlanje.

“Ilanga leWPFD liqakathekile kakhulu kithi ababalisi, intathelizindaba lathi abafundi ngoba libonisa ukuqakatheka komsebenzi esiwuphetheyo kungakhathalekile lobunzima obuhlukeneyo esihlangana labo ekusebenzeni kwethu.”

UMnu Nqaba Matshazi obona ngokuhlelwa kwenhlelo eMedia Institute of Southern Africa yena ukhala ngodubo lwezinga lokubaqotho kwezindaba lolwazi olwethulwa eZimbabwe.

“Uhulumende sethembise izinto ezinengi kakhulu ezifana lokubumba eminye njalo imithetho elakho ukusisenzisa nzima njalo ungananzelela iZimbabwe isiyehlile kusilinganisosokusebenza kuhle lentathelizindaba isizatho ku130 isiya ku137 emhlabeni jikelele.”

UNkosazana Siphathisiwe Ndlovu owenza izifundo zeMasters, ekolitshini leNust kwezokukhutshwa kwemibiko upha umbono wakhe ngelanga lanamhlanje.

“llanga leWPFD liqakatheke kakhulu kithi njalo lenza sinanzelele ukuthi kunengi esimele sikufunde njalo ubunzima esesibhekane labo ngikusebenzisa imitshina yakulezi insuku lobulembi kumele siphume lesisombululo ukuze ukusebenza lokufunda kwethu kubelezithele ezibalilekileyo.”

Usuku olwe World Press Freedom Day laqala ukunanzwa ngomnyaka ka 1993 ngemva kwenkuthazo yenhlanganiso yomanyano wamazwe womhlaba, eye United Nations emizameni yokukhumbuza ohulumende bamazwe womhlaba ukuthi bahloniphe amalungelo entathelizindaba ukuze zisebenze zikhululekile zingahlukunyezwa, okukhokhelela ekuthini uzulu afinyelele ulwazi lemibiko eqakathekileyo ngesikhathi.

Lonyaka ilanga leWPFD linanzwa emhlabeni jikelele phansi kwendikimba ethi “Journalism under Digital Seige“, eveza ubunzima obubhekane lentathelizindaba ngenxa yokwethulwa kweminye imibiko engasiqiniso ebulenjini be-internet lasezinkundleni zokuxhumana ezebulenjini.

Udaba lokunanzwa kwamalungelo entathelizindaba siluphiwa nguAnnahstacia Ndlovu
please wait

No media source currently available

0:00 0:05:20 0:00

Facebook Forum

XS
SM
MD
LG