amalinks wokungena

Breaking News

Bayakhala Abadabuka eZimbabwe Ngempi Ekwele Ukraine


EleRussia lihlasela emadolobheni amanengi.
EleRussia lihlasela emadolobheni amanengi.

Izwekazi leEuropean Union lithi selifuna ukuba amazwe wonke endaweni le ayekele ukuthenga amafutha ezimota lokunye kwele Russia ngoba ilizwe leli selibhomba ngamandla kwele Ukraine. Umkhokheli wakwele Russia laye udla amalahle esithi kumele amazwe asemhlubulweni we-European Union njalo leMelika enganiki uhulumende wakwele Ukraine izikhali.

IReuters ibika ukuba inhlanganiso yeEuropean Union isifuna ukuba amazwe esemhlubulweni wezwekazi leli adinge ezinye indlela zokuthenga amafutha ezimota kusiyafika uLwezi lonyaka. Umanyano lo uthi kumele beqinise izijeziso zenotho njalo ngokuvimba imisakazo yakwele Russia Kanye labosomabhizimusi.

Bafuna kuvalwe lamabhanga wonke adlelana lele Russia ngokuwakhupha ebulenjini kusigxingi seSWIFT.

Konke lokhu kwenzakala eleRussia libhomba ngamandla eMariupol lamanye amadolobho lapho osokubulewe abantu abanengi.

Abadabuka eZimbabwe bathi kuyesabeka okwenzakala kwele Ukraine. UMnu. Mbuso Mhlanga, ingcwethi kwezomvikela, uthi amazwe aphehla konke lokhu akumanyano weNATO.

Uyakhala loMnu. Thandazani Moyo ngokwenzakala kwele Ukraine.

UMnu. Sipho Ngulube, olandela ezombusazwe, uthi eleRussia lenza okungaqondanga kwele Ukraine.

EleMelika lidinga imali kudale leCongress edlula amabhiliyoni angamatshumi amathathu – 33 billion – yokunika eleUkraine ukuba lithenge izikhali zokulwisana leleRussia. Akwaziwa ukuba impi le izaphela njani.

XS
SM
MD
LG