amalinks wokungena

Breaking News

Uhulumende Uthi iZUPCO Iyehluleka Ukuthwala Uzulu Elizweni Lonke Jikelele


Monica Mutsvangwa, umphathintambo wohlangothi olubona ngokwethulwa kwemibiko.

Umphathintambo wezokwethulwa kwemibiko, uNkosikazi Monica Mutsvangwa, wazise ukuba inkampani kahulumende yamabhasi eyeZUPCO isiyehlulekile ukuthwala uzulu elizweni lonke. Uzulu ogoqela abafundi ubhekane lobunzima obukhulu bokuswela izimota zokuhamba ngemva kokuba amapholisa eqale uhlelo lwabo lokubopha izimota ezingela mvumo yokuthwala uzulu ezibizwa ngokuthi “yimshikashika”.

Osimabhizimusi ababhalisa ukuthi bathole imvumo yokusebenza bengaphansi kukaZUPCO abangathandanga ukuvezwa amagama abo labo bakhala ngokuthi babhekane lobunzima bokuthi bayaphuza ukubhadalwa ngabalenkampani phezu kwalokho beyithola ngedola leZimbabwe eliwa isisindo salo mihla ngemihla.

UMnu. Thembelani Dube, ilunga lenhlanganiso yezakhamuzi eyeBulawayo Progressive Residents Association (iBPRA), ukhuthaza ukuba kuvunyezwe abezinye izimotha abasebenza bezimele njengalokho okwakusenziwa ngaphambili kokuqhamuka kweCovid 19.

“Okungenziwa ukuthi kwehlise udubo lokusilela kwezimota edolobheni yikuthi imass public transport system ekaZupco ibekhona kwelinye icele kube sekusithi amakampani azimeleyo esasivele silawo koBulawayo oBupta, Mbayiwa bavunyelwe ukuthi labo bethwale abantu,abantu bona bazazikhethela ukuthi bangene kuziphi I imota ngokutshipha kwazo langokuthi ziyabafikisa ngesikhathi.”

UMnu. Atlas Moyo, ugcinisihlalo wenhlanganiso eyeTshova Mubaiwa, uthi okwakhathesi akula esekuphumile kungxoxo abalazo lohulumende.

"Besise Harare sizama ukukhuluma labo kwehlula akulanto esiphumile sesihambe lakuma lawyer ama Human rights wathi asisakwazi ukuthi senze njani ngoba lokhu okwamapholisa kuyacaphula babulala abantu abangela Cala nxa uzaxotshana lemota ilenumber ize iyekuwa nxa isiwile ubusubaleka ngokunye okungaqedakaliyo.”

UNkosikazi Sanele Nyoni, isakhamuzi sakoBulawayo, uthi Impilo zabantu zibasengozini nxa amapholisa esexotshanisa imitshova.

“I-transport uyahlupha okungadingwayo okuzwisa ubuhlungu yindlela amapholisa ayabe exotshanisa ngayo amaKombi ayabe encedisa abantu. Amapholisa awakhangeli ukuthi bayabe befaka impilo zabantu engozini.

UMnu. Mkhokheli Ndlovu, isakhamuzi sakoBulawayo ophila ngokuzisebenza, uthi uZupco akathenjwa, kala isikhathi esiqondileyo esaziwa nguzulu.

“Into yetransport iyasihlukumeza njengathi esenza ama business okuziphilisa uzathola ukuthi uyabe ufuna ukungena ngo7 ekuseni uzalayina kuze kutshaye u9 ngaleso sikhathi lamabus azabe engekho kwenza kungasebenzeki ngabe I government iyavumela imitshova ukuze abantu bakwazi ukuhamba.

Isiphathamandla senhlanganiso eye Zimbabwe United Passenger Company ZUPCO koBulawayo umnumzana Tineyi Rwasokwa walile ukuphendula imibuzo ephathelane laloludubo wedlulisela kumqondisi wenkampani le, umnumzana Everisto Madangwa yena ongazange adobhe ucingo lwakhe.

TEXT: Emazwini akhe ngemva komhlangano wedale labamphathintambo, Unkosikazi Monica Mutsvangwa uthe uhulumende kazange amise imota ezingekho phansi kwenkampani kaZUPCO ukuba zithwale abantu kodwa imota lezi kufanele zibe kusimo esiqondileyo ukuba zithwale uzulu. Nge sikhathi esifanayo ubuye wathi uyananzelela ukumemetheka kwemota ezingalungelanga ukuthwala uzulu ngalokhu abomthetho bazaqhuba umsebenzi wabo bengela kwesaba kumbe ubandlululo lokhu kusenzelwa ukuba uzulu aphephe engozini zezimota.

Okwakhathesi ibhasi engaphansi kukaZupco ingamadola ayisitshiyagalombili eZimbabwe (ZWL $80) kuthi ikombi ingamadola alikhulu (ZWL $100). Kuthi lezi izimota engekho ngaphansi kukaZUPCO zibiza idola elilodwa eleMelika (USD $1) nxa sezithwala ngesikhathi santambama lapho abomthetho sebengasavimbanga emigwaqweni.

Ngomnyaka ka2020 uhulumende wenza inhlanganiso kaZUPCO ukuba ibe yiyo ekhangele indlela zokuhamba, ezinye lezi inhlanganiso zamiswa ukuthwala uzulu. Kodwa inhlanganiso le ikhulelwa lilani labantu abadinga indlela zokuhamba.

Inhlanganiso yamagqwetha amele amalungelo abantu eye Zimbabwe Lawyers for Human Rights imele inhlanganiso ye Passengers Association ithi yona isiphe inhlanganiso yako ZUPCO kanye lomphathintambo wezigaba amahola angamatshumi amabili lane ukuthi befake amabhasi aneleyo ukuthwala abantu, behlise ukudubeke uzulu ahlangana lakho ekudingeni imota zokugada. Kungehlula lokhu bazakusa inhlanganiso yakoZUPCO emthethwandaba ozamele ubambe ngamandla ukuba benze lokhu.

Facebook Forum

XS
SM
MD
LG