Endabeni zethu lamhlanje................
*** Abakhokhela umkhankaso wokuhlala ekhaya kungayiwa emisebenzini, ezikolo lemakolitshini, owe National Schools Shut Down okhangelelwe ukuba khona ngoMvulo mhla ka 9 Nkwenkwezi bathi amalungiselelo asekusibanga esiphezulu njalo kungela kubuyela emuva lanxa sekulemibiko yokuthi abezomvikela sebelulungiselela labo ukuluvimba.
*** Inani labantu ababhalisela ukuvota kuhlandla lesibili elokubhalisela ukuvota eleBiometric Voter Registration, libikwa likhuohukile ukwedlula ababhalisa kuhlandla lakuqala. Njalo inhlanganiso elwela amalungelo ezakhamizi eye Bulawayo Progressive Residents Association, ikhuthaza ikomishini ebona ngezokhetho eyeZimbabwe Electoral Commission, ukuthi iqhube ihlandla lesithathu ukuze uzulu abhalise ngobunengi.
*** Kwezemidlalo………. Umqeqetshi weqembu lomdlalo wenguqu ele Highlanders uMandla Mpofu uthi kumele banqobe ngeSonto ukuze umkhankaso wabo kusigaba se Premier Soccer League ungaqhubeki ungena ihlathi.
*** Kuhlelo Woza Friday liviki silomculi osakhulayo uNomore Sibanda owazakala ngegama lokuthi Maluka yena ucula ingoma zomdumo owe Afro Jazz, esebenzela koBulawayo.
***KuLivetalk namhlanje sikhangela amalungiselelo okunanza usuku lwabomama olweMothers Day, ngeSonto mhlaka 10 Nkwenkwezi.
Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.
Facebook Forum