amalinks wokungena

Breaking News

Lokhe Liphansi Inani Labantu Ababhalisela Ukuvota


Umtshina weBiometric Voter Registration.

Inani lababeqale ukubhalisa ukuvota kumkhankaso wesibili oweZimbabwe Electoral Commission ledlule inkulungwane ezilikhulu 109,405. Kunani leli abayisilisa bazinkulungwane phose ezingamatshumi ayisithupha-59,904, kuthi abesifazane baphosa bafike kunkulungwane ezingamatshumi amahlanu -49,501.

Inani labantu ababhalise ukuvota kuhlandla lesibili lokubhalisa obeluqhutshwa ngabeZimbabwe Electoral Commission liphindwe kabilii nxa kuqathaniswa lehlandla elenziwe ngoNhlolanja sokuphuma inkuthazo yokuthi abeZEC basungule elinye njalo ihlandla laloluhlelo kulungiselwa ukhetho lomnyaka ozayo.

Inani labantu ababeqala ukubhalisa ukuvota kumkhankaso wesibili oweZimbabwe Electoral Commission (ZEC) ledlule inkulungwane ezilikhulu (109 405). Kunani leli abayisilisa baphosa bafike inkulungwane ezingamatshumi ayisithupha (59 904), kuthi abesifazane baphosa bafike kunkulungwane ezingamatshumi amahlanu (49 501).

Umnunzana Ambrose Sibindi umgcinisihlalo wenhlanganiso eyezakhamizi eye Bulawayo Progressive Residents Association (BPRA) uthi umkhankaso uncede kakhulu ukukhuphula lababhalisileyo elizweni jikelele.

“Siyananzelela inombolo ezikhitshwa yiZec ukuthi Umkhankaso lowu owoku register ukuvota ubelempumela engathi iyathabisa kancane sinanzelela inani labantu elisukume laya register ukuvota 12 000 aluba kuyangathi izakhamizi ngabe iZEC iyangezelela kube lomunye Umkhankaso futhi ukuthi abantu abangakafinyeleli besathatha ama lD njengoba ethathiswa inombolo ziqanse ziye phezulu siyaxwayisa izakhamuzi ukuthi zingami ziqhubeke ziyebhalisa.”

Umnunzana Effort Ncube umqondisi ocubungula ezombusazwe uthi abantu kabakhuthazwe ukuqhubeka bebhalisa.

"Lezi zibonisa kahle ukuthi nxa abantu bengakhuthazwa kakhulu ukuthi bayebhalisa ukuvota bayakwenza lokho ngoba zenyukile kulokho ade ziyikho khona ngesilinganiso esikhona ekhulwini .Okutsho khona ukuthi Zec labazepolithi lawo wonke amaqembu azimeleyo laye uhulumende bangakhuthaza abantu ukuthi babhalise njalo babaphe izithupha kungaba ngcono,Akhukhuthaze abantu.”

Unkosikazi Esther Zulu umhlali wakoBulawayo uthi amanani aphansi aseMatebeleland atshengisa ukuba sebekhathele ngokuvota kodwa kungabi lenguquko loba intuthuko esigabeni lesi.

“EMatebeleland sikhathele ngokubandlululwa. Singaze sikhethe inkokheli, kodwa akukho okukhanyayo okwenziwa. Imigwaqo ifile, eNkayi akuhambeki. Izikolo zinlutshwane, akukho esikubona okwenziwa ngo Councillor labo MP. Uthando lokuvota luya luncipha. Okunye njalo iGukurahundi yahlukumeza abantu abanengi ngalokhu sebelokwesaba lokumela ilungelo labo lokuvota.”

Umnumzana Joseph Nkomazana umhlali wakoBulawayo uthi kufanele abantu babhalise ukuvota ukuze idolobho lakoBulawayo lingalahlekelwa ngezinye izabelo.

“Sibona engani baqede masinya uhlelo lwabo lolu loku register. Lapha sesabela ama constituency ethu lawa angu 12 ukuthi nxa singasabhalisanga sizaqunyelwa amanye ama constituency. Aluba bahlalile inyanga ezimbili kwabonakala ukuthi abantu baya bhalisa yini. Siyakwazi ukuthi abantu bayaxotshwa eSouth Africa, sikhangelele ukuthi laba abahamba bengabhalisanga nxa bebuya bathole uZEC iku ground.”

Umkhankaso wesibili owe Zimbabwe Electoral Commission (ZEC) uqala mhlaka 11 Mabasa waphetha mhlaka 30 Mabasa 2022. Uqhutshwa nge sikhathi esifanayo lohlelo lokuthatha incwadi zokuzalwa kanye lezithupha ngokungela mbhadalo.

Sehlulekile ukuxhumana lesikhulumeli se ZEC koBulawayo ngoba ubelokhe engakaphenduli imbuzo. Kodwa I ZEC yethula umbiko isithi ngensuku iqhuba umkhankaso lo kubikwa abantu abazinkulungwane ezingamatshumi amahlanu (50 000) baguqule indawo zokuvotela.

Kumkhankaso wokuqala owenziwe ngoNhlolanja koBulawayo kubhalise abantu abazinkulungwane eziyisithupha (6,000) kuphela. Kowesibili inombolo le ikhuphukile kancane yaba ngephindwe kabili.

Izigaba ezimbili ezibe lenani eliphansi labantu ababhalise ukuvota yi Matebeleland South ebe lenkulungwane phose ezinhlanu (4,993) kulandele iMatebeleland North ebe lenkulungwane eziphezu kwezine kuphela (4,079).

Facebook Forum

XS
SM
MD
LG