amalinks wokungena

Breaking News

Inhloko ZeNdaba Nkwenkwezi 09, 2022


Inhloko ZeNdaba

Endabeni zethu lamhlanje ……………..

*** Lamhlanje amapholisa aweZimbabwe Republic Police aphume ngobunengi ehlomile esithi alanda ukuzolondoloza ukuthula kulandela isimemezelo esenziwe yinhlanganiso ezimela abafundi lezisebenzi sokutshengisela ngokungayi emsebenzini zikhonona ngomumo womnotho lowezombusazwe ongamanga kuhle elizweni.

*** Abatsha abamabandla ezombusazwe amakhulu kwele Zimbabwe agoqela elibusayo ele ZANU PF, laphikisayo agoqela ele CCC lele MDC T lamanye, namhlanje ekuseni babuthane emhlanganweni wokukhuthazana ukulondoloza ukuthula ngesikhathi sokukankasela ukhetho lomnyaka ozayo luka 2023.

*** Imvukuzane yomlomo wesibeletho i-Cervical Cancer ibikwa kuyiyo esithatha imiphefumulo yabesifazane abanengi eZimbabwe, iyiyo njalo esemqongweni kulayo yonke imihlobo yemvukuzane ehlasela abantu, ibangela inani eledlula isilinganiso sokukodwa phakathi semihlobo yemvukuzane ehlasela abesifazane ikakhulu abensundu elizweni.

*** Kulivetalk kuhlelo namhlanje siphatha udaba lokutshengisela ngokugayi emsebenzini okuqoqwe ngabenhlanganiso yezifundi zemakolitshini eye Zimbabwe National Students Union lezinye izisebenzi.

Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.

Facebook Forum

XS
SM
MD
LG