amalinks wokungena

Breaking News

Inhloko ZeNdaba Nkwenkwezi 11, 2022


Inhloko ZeNdaba
Inhloko ZeNdaba

Endabeni zethu namhlanje.............

*** Uhulumende uthi imidlalo ehlukeneyo ezikolo izaqhubeka imisiwe ngenxa yokwesaba ukumemethekisa iCovid 19 ngesikhathi sommqando. Uthe njalo kumele kuqhubeke kukhangelisiswa umumo ezikolo ngoba ukuvulwa kwezikolo kanye lomqando kuvame ukubuya lokuqansa kwamanani abatholakala beleCovid.

*** Usebotshiwe uMnu. Sybeth Musengezi, owaphanyeka udaba emthethwandaba esithi uMongameli Emmerson Mnangagwa kakhethwanga ngemfanelo ngomnyaka ka2017 kulandela ukususwa esikhundleni kowayengumongameli, uRobert Mugabe, libutho.

*** Unobhala weSADC uMnu Elias Magosi uhlangane loMongameli Emmerson Mnangagwa eHarare namuhla. Abalwela amalungelo oluntu bamkhuthaza ukuthi akhulumisane loMnangagwa ngodaba lokuthi kumele aguqule indlela ezombusazwe lezokhetho eziqhutshwa ngayo phambilini kokhetho lomnyaka ozayo ka2023.

*** EleZimbabwe lizama ngamandla wonke ukulwisana lodubo lwabatsha abasebenzisa izidakamizwa ezigoqela iheroine, cocanine, crystal methamphetamine lokunye. Izidakamizwa lezi zisetshenziswa kakhulu ngabatsha abafunda ezikolo ezizimeleyo koBulawayo labangasebenziyo.

*** Unobhala weSADC uMnu Elias Magosi uhlangane loMongameli Emmerson Mnangagwa eHarare namuhla abalwela amalungelo oluntu bemkhuthaza ukuthi akhulumisane loMnangagwa ngodaba lokuthi kumele atshintshe indlela ezombusazwe lezokhetho eziqhutshwa ngayo phambilini kokhetho lomnyaka ozayo.

*** Esigabeni lapho esixoxa lezizalwane zeZimbabwe esezihlala kwamanye amazwe namuhla siloMnu. Maxwell Nkawu, ohlala kwele Bhilithane. UNkawu usebenza kwezempilakahle njalo ungumbalisi.

***KuLivetalk namhlanje kuhlelo ‘Diaspora Forum’ sikhangela okwenziwa yizizalwane ze Zimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318. Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke. Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

XS
SM
MD
LG