amalinks wokungena

Breaking News

Imithelo Emitsha Ephungula Imali Yakwamanye Amazwe Ethunyezelwa Izihlobo Ngabahlala Kwamanye Amazwe Izakwenza Abanye Besebenzise Omalayitsha


Abahlala kwamanye amazwe bathi balakho ukusebenzisa omalayitsha ngoba uhulumende usefuna ukuchathamela imali abayithumezela izihlobo.

Inyathela elitsha elikahulumende olukukhweza imithelo kundleko zokuthola imali yakwamanye amazwe kulakho ukubona inengi eleZimbabwe elingaphandle kwelizwe liqala ukusebenzisa ezinye indlela zokuthumela imali ekhaya, lokhu kuyindlela yokubalekela indleko ezifakwe nguhulumende.

Uhulumende weZimbabwe uthi ukukhweza umthelo kulabo abathola uhlobo lwemali yakwamanye amazwe, yindlela yokuzama ukuvikela ukwehla kwesisindo semali ye bond note. Lokhu kuza ngesikhathi imali yebond note iyehle isisindo okumangalisayo.

Inyathela likahulumende lokuphanyeka umthelo kulabo abathola uhlobo lwemali yakwamanye amazwe kulakho ukuphazamisa ukungena kwemali ethunyelwa ngabeZimbabwe bengaphandle kwelizwe.

Abafana loMnu. Andreas Sibanda bathi leli nyathela lingadala ukuthi abantu bengathumeli imali ngendlela ezisemthethweni, okungabona uhulumende elahlekelwa ngeyinye imali akade ezayithola ngemthelo etshiyeneyo.

“Lokhu kuzakwenza ukuthi abantu babalekele indlela ezisemthethweni besebenzise ezinye indlela ukuze babalekele ama charges amatsha. Impilo inzima ngakho inyathela leli litsho kuzakuba nzima ebantwini.”

OweZimbabwe owenza ibhizimusi phakathi kweBotswana leSouth Africa, uMnu. Mthabisi Dube, laye uthi inyathela likahulumende weZimbabwe lizafuqa abantu abangaphandle kwelizwe ukuthi badinge ezinye indlela zokuthumela imali.

“Kutsho sekumele kudingwe ezinye, udinge umuntu noma ungazi ukuthi uzomthola nini. Kwesinye isikhathi imali icina ingafikanga. Ama electronic transfers wona ayathembakala ngoba ukwazi ukuthi imali izafika.”

UDube uthi uhulumende kaMongameli Emmerson Mnangagwa ngabe uyathola ezinye indlela zokuthuthikisa umnotho ezizavikela ukulahlekelwa yisisindo kohlobo lwama bond notes.

“Uhulumende ngabe uyadinga ezinye indlela zokungenisa imali athuthukise ezomnotho ngoba angiboni ukuthi kuyinto enhle eyenzakala khathesi.”

Okubhizimusi lokuthengisa imphahla etshiyeneyo kweleBotswana, umnunzana Rodwell Moyo uthi imuli ezinengi ziphila ngemali evela phandle kwelizwe.

Ngakho uthi inyathela leli lilakho ukulimaza imali uhulumende ayithola ngenxa yabantu abaphandle kwelizwe bethumela izihlobo labangane.

“Siyananzelela ukuthi imali evela phandle kwelizwe ingcine imuli ezinengi.Inengi lizadonda ukuthumela imali ngendlela ezisemthethweni ngoba zisesaba ama charges azakuba khona.”

Inombolo zitshengisa ukuthi imali ethunyelwa ngabeZimbabwe abasebenza phandle kwelizwe iya ikhula umnyaka ngomnyaka.

Ibhanga lesizwe eleReserve Bank of Zimbabwe lithi imali ethunyelwa ngabeZimbabwe abangaphandle kwelizwe iqonge isuka kusigidi ($1billion) ngomnyaka ka2020 yafika phose kusigidi lengxenye ($1.4 billion) ekuqaleni komnyaka ka2022.

Kusenjalo, usibalukhulu wenhlanganiso yeSouthern Africa Development Community (SADC), UMnu. Elias Magosi, kade evakatshele eZimbabwe ngoLwesithathu lapho ahlangane lomongameli Mnangagwa.

UMagosi ugcizelele ukuthi iSADC ifuna ukubona izijeziso zomnotho ezaphanyekwa eleZimbabwe zisesulwa njalo inhlanganiso le iyathembisa ukulwisana lenzondano ebhekane labokuza kweleSouth Africa.

Facebook Forum

XS
SM
MD
LG